Indira Gandhi Government Medical College : इंदिरा गांधी शासकीय वैद्यकीय महाविद्यालय व रुग्णालयाची नवी प्रशासकीय इमारत तयार झाली असून जून महिन्यात पहिल्या दोन मजल्यांवर कार्यालयीन कामकाज सुरू झालेले असेल. नागपुरातील सर्वात पहिला दवाखाना (1905 मध्ये स्थापना ) मेयो. कालांतराने त्याचे इंदिरा गांधी वैद्यकीय महाविद्यालय व रुग्णालयात रूपांतर झाले. विस्तीर्ण जागा असली तरी मेडिकल कौंसिल ऑफ इंडियाच्या निकषांप्रमाणे प्रशासकीय इमारतीची गरज होती. महाराष्ट्र शासनाने 49 कोटी रुपये मंजूर केले. त्यातून मे 2019 मध्ये (तळ + 6 मजले) इमारतीचे बांधकाम सार्वजनिक बांधकाम खात्यामार्फत सुरू झाले.
Indira Gandhi Government Medical College : कोरोनामुळे बांधकाम थांबले होते. मात्र, कोरोना गेल्यानंतर ते सुरू झाले. ही नवी सहा मजली इमारत उभी झाली आहे. मात्र, पाणी, वीज, फर्निचर व इतर आवश्यक त्या मूलभूत सोयी-सुविधा निर्माण कार्य सुरू आहे. गेल्या वर्षी सातवा मजला मंजूर होऊन 16.04 कोटी रुपये निधी मिळाला. त्यामुळे आधी सातवा मजल्याचे बांधकाम करावे लागणार असल्याने लिफ्ट व सर्व सोयी- सुविधांसह सुसज्ज इमारतीचे उद्घाटन जुलैत होण्याचा विश्वास अधिकार्यांनी व्यक्त केला.