फलका अभावी धावतात एसटी बस... प्रवाशी त्रस्त

    31-Jan-2023
Total Views |
साखरखेर्डा, 
साखरखेर्डा येथून धावणार्‍या अनेक बसेसांना (ST Buses) मार्ग फलक नसल्याने प्रवाशांना नाहक त्रास सहन करावा लागत असून चालकास एसटी बस कोठे चालली असे विचारण्याची ही सोय राहिली नाही . असा प्रत्यय साखरखेर्डा बसस्थानकावर आला आहे.
 
ST Buses
 
साखरखेर्डा हे गाव आडवळणी असले तरी लोकसंख्या 20 हजार आहे . येथून सकाळी औरंगाबाद , जालना , खामगाव , अकोला , बुलढाणा येथे जाण्यासाठी बसेस (ST Buses) असतात . काही बसला फलक असतात आणि चालक प्रवाशांची सौजन्याने वागतात . तर काही बसला मार्ग फलकच नसतात. त्या बसेस कोठे चालल्या , मार्ग कोणता असा प्रश्न प्रवाशी विचारतात . त्या प्रवाशांसोबत माणूसकी दाखवत बस कोठे चालली यांची सूचना वाहक आणि चालक देतात . तर काही चालकांना प्रवाशी म्हणजे डोके दुखी वाटत आहे .
 
 
31 जानेवारी रोजी सकाळी 8:30 वाजता किनगावजजट्ट येथून अकोला जाणारी खामगाव आगाराची बस क्रमांक एम एच 40 8783. साखरखेर्डा बसस्थानकावर आली . एकतर बस 15 मिनीटे लवकर आली . त्यात कोठे चालली हा मार्ग फलक बसमध्ये असून चालकाने लावला नव्हता . त्यामुळे प्रवाशांची तारांबळ उडाली. काही प्रवाशांनी बस कोठे चालली असे विचारले असता चालक बोलायला तयार नाही . काही प्रवाशांनी दार वाजवून विचारले तर चालक म्हणाला दिसत नाही का वाचता येत नाही का अशी प्रश्र्नांची सरबत्ती करुन प्रवाशांना अवमानित करत आहेत . अशा चालकास आगार प्रमुखांनी बडतर्फ करुन घरी पाठवावे . आणि प्रवाशांशी सौजन्याने वागनार्‍यांनाच सेवेत ठेवावं अशी तंकार आणि विनंती प्रवाशांनी खामगाव आगार प्रमुख आणि बुलढाणा आगार व्यवस्थापक यांच्याकडे केली आहे.