"मराठी भाषा ही भारताचा अभिमान"; पंतप्रधान मोदी यांनी केले मराठीत ट्विट

Marathi Language-PM Modi : 3 ऑक्टोबर रोजी झालेल्या केंद्रीय मंत्रिमंडळाच्या बैठकीत मराठी भाषेला अभिजात भाषेचा दर्जा देण्याचा महत्त्वपूर्ण निर्णय घेण्यात आला. यासोबतच प्राकृत, पाली, मराठी, बंगाली, आसामी भाषांनाही अभिजात भाषेचा दर्जा देण्यात आला. हेही वाचा : मोठी बातमी, अखेर मराठी ठरली अभिजात!

 

 

केंद्र सरकारच्या अधिवेशनात मराठी भाषेला अभिजात भाषेचा दर्जा देण्याची मागणी करण्यात आली होती. त्यामुळे महाराष्ट्राची मागणी मान्य झाल्याची प्रतिक्रिया मराठी लेखक अनेक वर्षांपासून देत आहेत. पंतप्रधान नरेंद्र मोदींनीही X वर पोस्ट करून आनंद व्यक्त केला आहे.

 

 

 

"मराठी भाषा ही भारताचा अभिमान आहे. या अद्वितीय भाषेला अभिजात भाषेचा दर्जा मिळाल्याबद्दल अभिनंदन. हा सन्मान म्हणजे मराठी भाषेने आपल्या देशाच्या इतिहासात दिलेल्या समृद्ध सांस्कृतिक योगदानाचा गौरवच आहे. मराठी भाषा ही कायमच भारतीय वारशाचा आधारस्तंभ राहिली आहे. मला खात्री आहे की अभिजात भाषेचा दर्जा मिळाल्याने ही भाषा शिकण्यासाठी असंख्य लोकांना प्रेरणा मिळेल."

 

या निर्णयानंतर महाराष्ट्रातून आनंद व्यक्त होत आहे. यासंदर्भात मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनीही ट्विट करून आनंद व्यक्त केला आहे. तसेच केंद्र सरकारचे आभार मानले.