लोकसभा निवडणुकीमुळे आयपीएल देशाबाहेर होणार का? जयशाह म्हणाले...

IPL 2024-Lok Sabha Election 2024 : लोकसभा निवडणुकीच्या 2024 च्या मतदानाच्या तारखांच्या घोषणेनंतर, जय शाह यांनी आयपीएल 2024 यूएईमध्ये आयोजित केल्याच्या वृत्ताचे खंडन केले आहे. परदेशात आयपीएलचे आयोजन केले जाणार नसल्याचे जय शाह यांनी म्हटले आहे.

 

 

 

 

आयपीएलचे सामने यूएईला हस्तांतरित केल्याच्या वृत्तानंतर जय शाह यांचे वक्तव्य आले आहे. जय शाह यांनी क्रिकबझला सांगितले की, लीगचे सर्व सामने भारतात खेळवले जातील. आयपीएल 2024 यूएई किंवा इतर कोणत्याही देशात खेळल्याच्या बातम्या चुकीच्या असल्याचे सांगत जय शाह म्हणाले की, आयपीएल परदेशात आयोजित केले जाणार नाही.

 

 

 

  ऐलान-ए-जंग...जाणून घ्या कधी होणार निवडणूक

 

 

निवडणुका लक्षात घेता आयपीएलच्या अनेक संघांनी बीसीसीआयला देशाबाहेर लीग आयोजित करण्याची विनंती केल्याचे काही अहवाल समोर आले होते. यूएईमध्ये लीगचा दुसरा टप्पा आयोजित करण्यासाठी बीसीसीआय पर्याय शोधत असल्याचा दावा करण्यात आला. मात्र शहा यांच्या वक्तव्याने या सर्व अटकळांना पूर्णविराम मिळाला आहे.

 

 

निवडणूक आयोगाने शनिवारी लोकसभा निवडणुकीच्या तारखा जाहीर केल्या. 19 एप्रिल ते 4 जून दरम्यान 7 टप्प्यात निवडणुका होणार आहेत. अशा परिस्थितीत बीसीसीआय लवकरच आयपीएल २०२४ चे संपूर्ण वेळापत्रक जाहीर करण्याची शक्यता आहे. बीसीसीआयने 22 मार्च ते 7 एप्रिलपर्यंतचे वेळापत्रक आधीच जाहीर केले आहे. 15 दिवसांच्या कार्यक्रमात 21 सामने खेळवले जाणार आहेत. 22 मार्च रोजी चेन्नई सुपर किंग्ज आणि रॉयल चॅलेंजर्स बंगळुरू यांच्यातील उद्घाटन सामन्याने हंगामाची सुरुवात होईल.