2024 च्या T20 विश्वचषकात घडले हे 3 विक्रम...
या सामन्यात घडला मोठा चमत्कार
Total Views |
नवी दिल्ली,
T20 World Cup 2024 : अफगाणिस्तान संघाने युगांडाचा 125 धावांनी पराभव केला आहे. या सामन्यात अफगाणिस्तानसाठी गोलंदाज आणि फलंदाजांनी अप्रतिम कामगिरी केली. रहमानउल्ला गुरबाज आणि इब्राहिम झद्रान यांनी अफगाण संघाकडून दमदार फलंदाजी केली. या खेळाडूंमुळेच अफगाणिस्तान संघाला विजय मिळवता आला. अफगाणिस्तान आणि युगांडा यांच्यातील सामन्यात अनेक मोठे विक्रम झाले आहेत.
T20 विश्वचषकातील चौथा सर्वात मोठा विजय
अफगाणिस्तानविरुद्धच्या सामन्यात युगांडाचा कर्णधार ब्रायन मसाबाने नाणेफेक जिंकून प्रथम गोलंदाजी करण्याचा निर्णय घेतला. जे चुकीचे सिद्ध झाले. या सामन्यात अफगाणिस्तानने प्रथम फलंदाजी करत 183 धावा केल्या. यानंतर युगांडाचा संघ 58 धावांत सर्वबाद झाला आणि अफगाणिस्तान संघाने 125 धावांनी सामना जिंकला. T20 विश्वचषकाच्या इतिहासातील हा चौथा सर्वात मोठा विजय आहे. T20 विश्वचषकात सर्वात मोठा विजय नोंदवण्याचा विक्रम श्रीलंकेच्या नावावर आहे. T20 विश्वचषक 2007 मध्ये श्रीलंकेने केनियाविरुद्धचा सामना 172 धावांनी जिंकला होता.
T20 विश्वचषकातील सर्वात मोठा विजय:
172 धावा - श्रीलंका, 2007
130 धावा - अफगाणिस्तान, 2021
130 धावा - दक्षिण आफ्रिका, 2009
125 धावा - अफगाणिस्तान, 2024
116 धावा - इंग्लंड, 2012
T20 विश्वचषकातील दुसरी सर्वोच्च सलामी भागीदारी
रहमानउल्ला गुरबाज आणि इब्राहिम झद्रान यांनी पहिल्या विकेटसाठी 152 धावांची भागीदारी केली. टी-२० विश्वचषकाच्या इतिहासातील ही दुसरी सर्वोच्च सलामीची भागीदारी आहे. T20 विश्वचषकातील सर्वात मोठ्या भागीदारीचा विक्रम जोस बटलर आणि ॲलेक्स हेल्स यांच्या नावावर आहे. या दोन्ही खेळाडूंनी 2022 च्या टी-20 विश्वचषकात भारताविरुद्ध ओपनिंग करताना 170 धावा केल्या होत्या.
T20 विश्वचषकात सर्वात मोठी भागीदारी करणारे फलंदाज:
जोस बटलर आणि ॲलेक्स हेल्स- 170 धावा
इब्राहिम झद्रान आणि रहमानउल्ला गुरबाज - 154 धावा
बाबर आझम आणि मोहम्मद रिझवान - 152 धावा
ख्रिस गेल आणि ड्वेन स्मिथ- 145 धावा
T20 विश्वचषकातील चौथा सर्वात कमी धावसंख्या
184 धावांच्या लक्ष्याचा पाठलाग करताना युगांडाचा संघ अवघ्या 58 धावांत गारद झाला. टी-20 विश्वचषकाच्या इतिहासातील ही चौथी सर्वात कमी धावसंख्या आहे. T20 विश्वचषकात सर्वात कमी धावसंख्या करण्याचा विक्रम नेदरलँडच्या नावावर आहे. T20 विश्वचषक 2014 मध्ये नेदरलँडचा संघ 39 धावांत ऑलआऊट झाला होता.
T20 विश्वचषकातील सर्वात कमी धावसंख्या:
39 - नेदरलँड, 2014
44 - नेदरलँड, 2021
५५ - वेस्ट इंडिज, २०२१
58 - वेस्ट इंडिज, 2024
60 - न्यूझीलंड, 2014