यूपीच्या 'शहजादी'ला दुबईत होणार फाशी!

UP Shehzadi hanged in Dubai संयुक्त अरब अमिरातीच्या अबुधाबी तुरुंगात कैद असलेल्या दिव्यांग शहजादी ही यूपीच्या बांदा येथील रहिवासी असून तिला 21 सप्टेंबर रोजी फाशी देण्यात येणार आहे. युएई कोर्टाने 21 सप्टेंबरला शाहजादी हिला फाशी देण्याची तारीख निश्चित केली आहे. ही बातमी कळताच बांदा जिल्ह्यातील शाहजादीच्या घरात एकच गोंधळ उडाला, फाशीची शिक्षा सुनावल्यानंतर शाहजादीच्या वृद्ध आई-वडिलांनी आपल्या मुलीला वाचवण्यासाठी पंतप्रधान नरेंद्र मोदी यांच्याकडे मागणी केली आहे.  बांदा येथील मातौंध पोलीस स्टेशन हद्दीतील गोयरा मुगली गावात राहणारी शाहजादी रोटी बँक या सामाजिक संस्थेत काम करत होती. फेसबुकच्या माध्यमातून तिची आग्रा येथील रहिवासी उझैरशी मैत्री झाली. ती उझैरच्या प्रेमाच्या जाळ्यात अडकली. हेही वाचा : आता युक्रेनमध्ये काय होणार...झेलेन्स्की पडले एकटे!

 

 

 

उझैर तस्करीत आहे हे तिला माहीत नव्हते. शाहजादीचा चेहरा जाळला असल्याने उझैरने तिला उपचारासाठी आग्रा येथे बोलावले. तेथून उपचाराच्या नावाखाली त्याने शाहजादीला दुबईला मूळ आग्रा येथील आणि सध्या दुबईत राहणाऱ्या फैज आणि नादिया या जोडप्याकडे पाठवले. तेथे शाहजादीला फैज आणि नादियाच्या घरी मोलकरीण म्हणून काम करावे लागले. फैज आणि त्याची पत्नी नादिया हे शाहजादीवर अत्याचार करायचे. UP Shehzadi hanged in Dubai दरम्यान, फैजच्या 4 वर्षाच्या मुलाचा आजारपणामुळे मृत्यू झाला, ज्यासाठी फैज आणि नादिया यांनी शाहजादीला दोषी ठरवले, त्यानंतर तिला अटक करण्यात आली. चार महिन्यांपूर्वी फैज आणि नादियाच्या मुलाच्या हत्येप्रकरणी दुबई न्यायालयाने तुरुंगात असलेल्या शाहजादीला फाशीची शिक्षा सुनावली आहे. शाहजादीच्या कुटुंबीयांनी बांदा सीजेएम कोर्टात तिच्या शिक्षेबाबत तक्रार दाखल केली आहे. न्यायालयाच्या आदेशानुसार आरोपी उझैर आणि दुबईत राहणाऱ्या दाम्पत्याविरुद्धही गुन्हा दाखल करण्यात आला आहे.

शाहजादीच्या कुटुंबीयांच्या विनंतीवरून, बांदा सीजेएम भगवान दास गुप्ता यांनी आरोपी उझैर आणि दाम्पत्य फैज आणि नादिया यांच्याविरुद्ध मानवी तस्करी फसवणुकीच्या गंभीर कलमांतर्गत गुन्हा दाखल केला आहे. UP Shehzadi hanged in Dubai आग्रा येथील रहिवासी असलेल्या आरोपी उझैर आणि दुबईत राहणाऱ्या या जोडप्याला अटक करण्याचे आदेशही देण्यात आले आहेत. त्यांना अटक करण्यासाठी पोलीसही प्रयत्न करत आहेत, मात्र दुसरीकडे फाशीची वेळ निश्चित झाल्याने शाहजादीच्या कुटुंबीयांचे अश्रू थांबत नाहीत.