सोनम कपूर पुन्हा आई होणार?

Sonam Kapoor बॉलिवूडची स्टाईल आयकॉन आणि अभिनेता अनिल कपूर यांची लाडकी मुलगी सोनम कपूर पुन्हा एकदा मातृत्वाच्या प्रवासात सहभागी होण्याच्या तयारीत असल्याची चर्चा सध्या रंगात आली आहे. सूत्रांच्या माहितीनुसार, सोनम आणि तिचा पती आनंद आहूजा त्यांच्या दुसऱ्या बाळाच्या आगमनाची वाट पाहत आहेत. यामुळे कपूर आणि आहूजा कुटुंबात सध्या आनंदाचं वातावरण आहे.

 

 

 

सोनम कपूर आणि आनंद आहूजा यांनी २०१८ मध्ये विवाह केला होता. त्यानंतर २०२२ मध्ये त्यांच्या घरी 'वायू'चा जन्म झाला. पहिल्या बाळानंतर सोनमने आपली मातृत्व यात्रा सोशल मीडियावर शेअर करत फॅन्सशी तिच्या खास क्षणांचा संवाद साधला होता. आता, वायूनंतर त्यांच्या घरात दुसऱ्या लहानग्याच्या आगमनाची शक्यता व्यक्त होत आहे.

 

 

 

पिंकव्हिलामधील अहवालानुसार, सोनम सध्या तीन महिन्यांची गर्भवती आहे आणि लवकरच ती आणि आनंद या गोड बातमीची अधिकृत घोषणा करू शकतात. सध्या हे कपल लंडनमध्ये वास्तव्यास असले तरी सोनम मुंबई आणि दिल्लीमध्येही आपला वेळ घालवत असल्याचे पाहायला मिळते. ऑगस्ट महिन्यात वायूचा वाढदिवस साजरा केल्यानंतर ती काही आठवड्यांपूर्वी पुन्हा चर्चेत आली होती.सोनमने आपल्या सोशल मीडिया पोस्टमध्ये वायूबाबत भरभरून प्रेम व्यक्त केले आहे. ‘‘ऑगस्ट महिना. वायूचा महिना. तो ज्या तीन शहरांना आपले घर म्हणतो त्या शहरात,’’ अशा शब्दांत तिने आपल्या बाळावरील प्रेम व्यक्त केलं होतं. मुलासोबतचे अनेक खास क्षण ती चाहत्यांसोबत शेअर करत असते, त्यामुळे तिच्या दुसऱ्या प्रेग्नन्सीच्या बातमीने चाहत्यांमध्ये उत्साह ओसंडून वाहतो आहे.

 

 

 

 

सोनमकडून Sonam Kapoor  अद्याप याबाबत कोणतीही अधिकृत घोषणा झाली नसली तरी, सोशल मीडियावर फॅन्सकडून शुभेच्छांचा वर्षाव सुरू झाला आहे. तिच्या प्रत्येक पोस्टवर हजारो प्रतिक्रिया उमटत आहेत आणि तिच्या मातृत्वाच्या दुसऱ्या पर्वाची अधिकृत पुष्टी कधी होईल, याची उत्सुकता सर्वांनाच लागून राहिली आहे.सोनमने २००७ मध्ये संजय लीला भंसाली यांच्या ‘सांवरिया’ चित्रपटातून बॉलिवूडमध्ये पदार्पण केलं. त्यानंतर ‘दिल्ली-6’, ‘आएशा’, ‘खूबसूरत’, ‘नीरजा’, ‘वीरे दी वेडिंग’ आणि अलीकडील ‘ब्लाइंड’ अशा विविध चित्रपटांमध्ये तिने आपली स्वतंत्र ओळख निर्माण केली आहे. बॉलिवूडमधील ‘पॉवर कपल’ म्हणून सोनम आणि आनंद यांना ओळखलं जातं, आणि त्यांच्या नात्यातील सौंदर्य आणि सुसंवाद यावर नेहमीच चाहत्यांचं प्रेम राहिलं आहे.

 

 

सोनमच्या घरात लवकरच दुसऱ्या लहान पाहुण्याचं आगमन होणार असल्याची ही चर्चा पुढील काही दिवसांत अधिकृत घोषणेत रूपांतरित होईल, अशी अपेक्षा सर्वत्र व्यक्त केली जात आहे. दरम्यान, चाहत्यांनी सोशल मीडियावर शुभेच्छांचा वर्षाव करत सोनमच्या मातृत्व प्रवासाच्या नव्या अध्यायासाठी शुभेच्छा दिल्या आहेत.