जुबिन गर्गच्या मृत्यूनंतर १२ दिवसांनी मोठी कारवाई, विमानतळावरून मॅनेजरला अटक

zubin-garg-manager-arrested सिंगापूरमधील प्रतिष्ठित ईशान्य भारत महोत्सव (NEIF) दरम्यान लोकप्रिय आसामी गायक  झुबीन गर्गच्या गूढ मृत्यूने आता गंभीर वळण घेतले आहे. पोलिसांनी महोत्सवाचे मुख्य आयोजक श्यामकानु महंत आणि झुबीन गर्गचे मॅनेजर सिद्धार्थ शर्माला अटक केली आहे. पोलिसांनी दिलेल्या माहितीनुसार, श्यामकानु महंत सिंगापूरहून नवी दिल्लीच्या इंदिरा गांधी आंतरराष्ट्रीय विमानतळावर येताच त्याला अटक करण्यात आली.

 

 

दरम्यान, सिद्धार्थ शर्माला हरियाणातील गुरुग्राम येथील एका अपार्टमेंटमधून अटक करण्यात आली. दोन्ही आरोपींना बुधवारी सकाळी आसामची राजधानी गुवाहाटी येथे आणण्यात आले. १९ सप्टेंबर रोजी आसाम सरकारने विशेष पोलिस महासंचालक (DGP) एमपी गुप्ता यांच्या नेतृत्वाखाली विशेष तपास पथक (SIT) स्थापन केल्यानंतर या प्रकरणातील कारवाई अधिक तीव्र झाली. या दहा सदस्यीय पथकाला प्रकरणाच्या प्रत्येक पैलूची चौकशी करण्याचे काम सोपवण्यात आले आहे. सिंगापूरमध्ये झुबिन गर्गचा मृत्यू समुद्रात बुडून झाल्याचे वृत्त येत आहे, परंतु या घटनेने अनेक प्रश्न उपस्थित केले आहेत. zubin-garg-manager-arrested सिंगापूरमधील आसाम असोसिएशनचे सदस्य, आयोजन समिती आणि महोत्सवात सहभागी असलेल्या इतर सहभागींच्या भूमिकेचीही चौकशी केली जात आहे. एसआयटीने महंत, शर्मा आणि सिंगापूरमधील इतर सहभागींना नोटीस पाठवून चौकशीसाठी हजर राहण्यास सांगितले होते. तथापि, दोन मुख्य आरोपींकडून सहकार्य न मिळाल्याने पोलिसांना कारवाई करावी लागली.

यापूर्वी, आसामचे मुख्यमंत्री हिमंता बिस्वा शर्मा यांनीही जाहीरपणे सांगितले होते की इंटरपोलच्या मदतीने महंत आणि शर्मा यांच्याविरुद्ध 'लूकआउट नोटीस' जारी करण्यात आली आहे आणि त्यांना ६ ऑक्टोबरपर्यंत सीआयडीसमोर हजर राहण्याचे निर्देश देण्यात आले आहेत. आता दोघांनाही अटक करून गुवाहाटीला आणण्यात आले आहे, त्यामुळे पोलिस त्यांची चौकशी करून या गूढ मृत्यूमागील गूढ उकलण्याचा प्रयत्न करत आहेत. zubin-garg-manager-arrested झुबिन गर्गचे चाहते आणि आसाममधील लोक या प्रकरणातील सत्याची आतुरतेने वाट पाहत आहेत.