अफगाणिस्तानने पाकिस्तानी सैनिकांना बनवले बंदी; फोटोही आला समोर

काबुल,

 

अफगाणिस्तानच्या सैन्याने तीन तासांची कारवाई केली. शनिवारी रात्री डुरंड रेषेजवळील बहरामपूर जिल्ह्यात अफगाण सैनिकांनी अनेक पाकिस्तानी सीमा चौक्यांवर गोळीबार केला. afghanistan-takes-pakistani-soldiers-hostage या चकमकीत १५ पाकिस्तानी सैनिक ठार झाले आणि सात जणांनी आत्मसमर्पण केले. अफगाणिस्तानने या कारवाईत तीन पाकिस्तानी लष्करी चौक्यांवर ताबा मिळविला, तसेच शस्त्रे आणि दारूगोळा जप्त केले. हेलमंड प्रांताच्या सरकारच्या प्रवक्ते मौलवी मोहम्मद कासिम रियाझ यांनी या कारवाईची माहिती दिली. कुर्रम जिल्ह्यातील झिरो पॉइंटजवळ तैनात पोलिस अधिकाऱ्याने सांगितले की शनिवारी रात्री १० वाजता अफगाणिस्तानने जोरदार गोळीबार सुरू केला होता. अफगाणिस्तानच्या संरक्षण मंत्रालयाने स्पष्ट केले की ऑपरेशन मध्यरात्री संपले. मंत्रालयाने असा इशाराही दिला की पाकिस्तानने पुन्हा सीमेचे उल्लंघन केले तर अफगाण सैन्य देशाचे संरक्षण करण्यास पूर्णपणे सज्ज आहे.

सुरक्षा सूत्रांनी सांगितले की पाकिस्तान-अफगाणिस्तान सीमेवरील अनेक भागांत गोळीबार झाला, ज्यात अंगूर अड्डा, बाजौर, कुर्रम, दिर, चित्राल आणि बारमा यांचा समावेश आहे. पाकिस्तानी सैन्याने अफगाणिस्तानच्या हल्ल्यांना प्रत्युत्तर दिले; तोफखाना आणि लढाऊ विमानांचा वापर करून अफगाण चौक्यांवर हल्ला केला. अफगाणिस्तानने पाकिस्तानवर काबूल आणि पक्तिका प्रांतांमध्ये हवाई हल्ले केल्याचा आरोप केला, त्यानंतर पाकिस्तानवर हल्ला केला. afghanistan-takes-pakistani-soldiers-hostage सध्या दोन्ही देशांमधील मुख्य वादाचा स्रोत तहरीक-ए-तालिबान पाकिस्तान (टीटीपी) आहे. पाकिस्तानचा दावा आहे की अफगाणिस्तान दहशतवाद्यांना आश्रय देते, तर अफगाणिस्तान पाकिस्तानवर टीटीपीला आधार देण्याचा आरोप करत आहे. या कारणास्तव दोन्ही देशांमध्ये आरोप-प्रत्यारोपांची मालिका सुरु आहे.