ऑस्ट्रेलियाविरुद्ध मानधनाची भन्नाट कामगिरी!

Smriti Mandhana Record : महिला एकदिवसीय विश्वचषक २०२५ चा १३ वा सामना भारत आणि ऑस्ट्रेलिया यांच्यात खेळला जात आहे. ऑस्ट्रेलियाने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना, टीम इंडियाने स्मृती मानधना आणि प्रतिका रावल यांनी पहिल्या विकेटसाठी शतकी भागीदारी करत शानदार सुरुवात केली. प्रतिका रावल आणि स्मृती मानधना दोघांनीही अर्धशतके झळकावली. या डावात मानधनानी एकदिवसीय क्रिकेटमध्ये ५,००० धावा पूर्ण केल्या आणि एक विश्वविक्रम प्रस्थापित केला.

 

 

 

 

 

मानधना एकदिवसीय क्रिकेटमध्ये डावांच्या आधारे सर्वात जलद ५,००० धावा पूर्ण करणारी फलंदाज बनली आहे. तिने ११२ डावांमध्ये हा पराक्रम केला. यापूर्वी हा विक्रम स्टॅफनी टेलरच्या नावावर होता, जिने १२९ डावांमध्ये एकदिवसीय क्रिकेटमध्ये ५,००० धावा पूर्ण केल्या. आता हा विक्रम स्मृती मानधनाच्या नावावर आहे. यासह, स्मृती एकदिवसीय क्रिकेटमध्ये ५,००० धावा पूर्ण करणारी सर्वात तरुण फलंदाज बनली आहे. ती एकदिवसीय सामन्यात ५००० धावा करणारी जगातील पाचवी आणि भारताची दुसरी खेळाडू ठरली.

या ५०+ डावांसह मानधनाने मिताली राजचा एक मोठा विक्रम मोडला. ऑस्ट्रेलियाविरुद्ध २० डावांमध्ये मानधनाचा हा १० वा ५०+ धावा आहे. ऑस्ट्रेलियाविरुद्ध ती भारतासाठी एकदिवसीय सामन्यात सर्वाधिक ५०+ धावा करणारी फलंदाज बनली आहे. यापूर्वी हा विक्रम मिताली राजच्या नावावर होता. तिने ऑस्ट्रेलियन महिला संघाविरुद्ध नऊ वेळा ५०+ धावा करण्यात यश मिळवले होते.

ऑस्ट्रेलियाविरुद्धच्या या सामन्यात स्मृती मानधनाला शतक गाठण्याची संधी होती, परंतु ८० धावांवर ती सोफी मोलिनेक्सने झेलबाद झाली. फोबी लिचफिल्डने सीमारेषेवर एक शानदार झेल घेतला. तिने ६६ चेंडूत ९ चौकार आणि ३ षटकार मारत ८० धावा केल्या. मंधानाच्या खेळीमुळे भारताला सामन्यात चांगली सुरुवात मिळाली.