हिमाचलमध्ये २८ गावांमध्ये हिंदू अल्पसंख्याक; धामी सरकार चिंतेत

Hindu minority in Himachal देहरादूनजवळील २८ गावांमध्ये हिंदू लोकसंख्या घटत असल्याची माहिती मिळाल्यानंतर उत्तराखंड सरकारने काळजी व्यक्त केली आहे. मुख्यमंत्री पुष्कर सिंह धामी यांनी अधिकाऱ्यांना स्पष्ट निर्देश दिले आहेत की, जर कोणी आपल्या कर्तव्यांचा गैरवापर करत असेल किंवा कोणत्याही अधिकाऱ्याची भूमिका संशयास्पद आढळली तर त्यांच्यावर कठोर कारवाई केली जाईल. ते राज्यातील मूळ सामाजिक संरचना जपण्यासाठी सर्वतोपरी प्रयत्न करतील, असे त्यांनी सांगितले.

 

 

 

विशेषतः विकास नगर विधानसभा मतदारसंघातील पच्छडून भागात हिंदू लोकसंख्येत हळूहळू घट होत असल्याचे दिसून आले आहे. येथे सुमारे २८ गावे आहेत जिथे हिंदू अल्पसंख्याक झाले आहेत. यामुळे मुख्यमंत्री धामी यांनी जिल्हा दंडाधिकाऱ्यांना या गावांमध्ये राहणाऱ्या सर्व लोकांची पडताळणी करण्याचे आणि त्यांचे रेशनकार्ड, आधार कार्ड तसेच इतर महत्वाचे दस्तऐवज तपासण्याचे निर्देश दिले आहेत.

 

मुख्यमंत्र्यांनी सांगितले की, ग्रामीण भागातील लोकसंख्याशास्त्रीय बदलांबाबत अनेक तक्रारी आल्या आहेत. यामध्ये बनावट रेशनकार्ड, बनावट वीज कनेक्शन, आधार कार्ड आणि मतदार ओळखपत्रांची चौकशी करणे आवश्यक आहे. त्यांनी यावर राज्यभरात समान प्रकारच्या पडताळणी मोहिमा राबवण्याचे आदेश दिले आहेत. राज्य सरकारचा उद्देश हा आहे की, बदलत्या लोकसंख्याशास्त्रीय परिस्थितीवर लक्ष ठेवणे आणि गावांमध्ये सामाजिक संतुलन राखणे, तसेच गैरकायदेशीर व्यवहार टाळणे.