हिराणी बंधू कापड दुकानातील साड्यांची चोरी उघडकीस

saree theft pusad मुख्य बाजारपेठेतील हिराणी बंधू कापड दुकानातून साड्या चोरी करणाèया दोन बुरखाधारी महिलांना स्थानिक गुन्हे शाखेच्या पथकाने नांदेड येथून अटक केली. ही कारवाई रविवार, 12 ऑक्टोबर रोजी केली. त्यांच्याकडून चोरीस गेलेल्या आठ साड्या, किंमत सुमारे 35 हजार रुपयांचा मुद्देमाल हस्तगत केला. या प्रकरणी विविध कलमांन्वये गुन्हे नोंद करण्यात आले होते. नांदेड शहरातील श्रावस्तीनगर येथे राहणाèया फरजाना बेगम शेख नईम (वय 43) व फईम बेगम हकीम खान (वय 50) अशी अटक केलेल्या बुरखाधारी महिलांची नावे आहेत. पुसद शहर पोलिस ठाण्यात 6 ऑक्टोबर रोजी हिराणी बंधू कापड दुकानातून चोरी झाल्याप्रकरणी विविध कलमांन्वये गुन्हे दाखल झाले होते.

 

 

स्थानिक गुन्हे शाखा पोलिस निरीक्षक सतीश चवरे यांच्या मार्गदर्शनात दुकानातील सीसीटीव्ही फूटेजमध्ये बुरखाधारी महिला दिसून आल्या. त्यानंतर गुप्त बातमीदारांच्या मदतीने माहिती गोळा करण्यात आली. त्यातून चोरी करणाèया महिला नांदेड परिसरातील असल्याचे निष्पन्न झाले. पथकाने नांदेड येथे जाऊन फरजाना बेगम व फईम बेगम यांना ताब्यात घेतले. त्यांच्या कबुलीच्या आधारे चोरीस गेलेल्या आठही साड्या जप्त करण्यात आल्या. ही कारवाई पोलिस अधीक्षक कुमार चिंता, अपर अधीक्षक अशोक थोरात, उपविभागीय पोलिस अधिकारी हर्षवर्धन, निरीक्षक सतीश चवरे यांच्या मार्गदर्शनात सपोनि धीरज बांडे, उपनिरीक्षक शरद लोहकरे, मुन्ना आडे, संतोष भोरगे, तेजाब रणखांब, सुभाष जाधव, कुणाल मुंडोकार, रमेश राठोड, सुनील पंडागळे, रवींद्र शिरामे, राजेश जाधव आणि जयश्री श्रीरामजवार यांच्या पथकाने यशस्वी केली.