जैसलमेरमध्ये चालत्या बसला आग; १५ मृत्यू, २५ जखमी

bus-catches-fire-in-jaisalmer राजस्थानमधील जैसलमेरमध्ये एक मोठा अपघात झाला आहे. अपघातावेळी ५७ प्रवाशांना घेऊन जाणाऱ्या बसला आग लागली. या अपघातात १०-१५ जणांचा मृत्यू झाल्याचे वृत्त आहे, तर २० ते २५ प्रवासी जखमी झाले आहेत. मंगळवारी जैसलमेरहून जोधपूरला जाणाऱ्या खाजगी बसला अचानक आग लागली. हा अपघात थैयत गावाजवळ झाला. आगीमुळे घटनास्थळी घबराट पसरली आहे. सध्या बचाव आणि मदत कार्य सुरू आहे.

 

 

सौजन्य : सोशल मीडिया 

जिल्हाधिकारी प्रताप सिंह यांनी तीव्र शोक व्यक्त केला आणि संबंधित अधिकाऱ्यांना त्वरित मदत आणि वैद्यकीय सेवा सुनिश्चित करण्याचे निर्देश दिले. जखमींवर श्री जवाहर रुग्णालयात डॉक्टरांकडून त्वरित उपचार केले जात आहेत. या घटनेशी संबंधित कोणत्याही माहिती किंवा मदतीसाठी जनतेने ९४१४८०१४००, ८००३१०१४००, ०२९९२-२५२२०१ आणि ०२९९२-२५५०५५ या हेल्पलाइन क्रमांकांवर संपर्क साधण्याचे आवाहन जिल्हा प्रशासनाने केले आहे. जिल्हा प्रशासन परिस्थितीवर सतत लक्ष ठेवून आहे आणि आवश्यक ती सर्व पावले उचलत आहे.