गडचिरोलीनंतर सुकमात २७ नक्षलवादी आत्मसमर्पण

27 Naxalites surrender in Sukmat छत्तीसगडमध्ये नक्षलवादावर नियंत्रण मिळवण्याच्या प्रयत्नांत सुरक्षा दलांना मोठे यश मिळाले आहे. सुकमा जिल्ह्यातील नक्षलवादी गटातील २७ सदस्यांनी आत्मसमर्पण केले आहे, ज्यामध्ये २ कट्टर नक्षलवादी आणि १० महिला समाविष्ट आहेत. या सर्व नक्षलवाद्यांवर एकूण ५० लाख रुपयांचे बक्षीस जाहीर करण्यात आले आहे. दरम्यान महाराष्ट्रातील गडचिरोलीमध्ये देखील ६० नक्षलवाद्यांनी शस्त्रे सोपवून आत्मसमर्पण केले होते, ज्यात धोकादायक नक्षलवादी सोनूचा समावेश होता.

 

 

सुरक्षा आणि पुनर्वसन धोरणांचा परिणाम म्हणून हा निर्णय घेण्यात आला असल्याचे अधिकारी सांगतात. या मोहिमेत सीआरपीएफच्या विविध बटालियन आणि कोब्रा २०३ बटालियनने महत्त्वाची भूमिका बजावली. आत्मसमर्पण करणाऱ्यांमध्ये १७ पुरुष आणि १० महिला आहेत. त्यापैकी १ जण सीवायसीएम होता, १५ जण पक्षाचे सदस्य होते, तर उर्वरित ११ जण इतर संघटनांशी संबंधित होते.

 

 

भूपतीसह ६० नक्षलवाद्यांचे ऐतिहासिक आत्मसमर्पण 

बक्षीस रक्कमेत भिन्न स्तरांचा समावेश आहे. १० लाख रुपयांचे बक्षीस असलेला १ माओवादी, ८ लाख रुपयांचे बक्षीस असलेले ३, ३ लाखाचे १, २ लाखाचे २ आणि १ लाखाचे बक्षीस असलेले ९ माओवादी यादीत आहेत. छत्तीसगड सरकारच्या "शरणागती पुनर्वसन धोरणा"मुळे, तसेच सुरक्षा दलांच्या वाढत्या उपस्थितीमुळे हे आत्मसमर्पण घडले असल्याचे समजते. या यशामुळे राज्यातील नक्षलवाद प्रतिबंधक मोहिमेत मोठा टप्पा गाठला गेला आहे.