मोठी कारवाई! बनावट नोटांचा रॅकेट उघड

Fake currency racket सांगली जिल्ह्यात बनावट नोटा चलनात आणण्याचा मोठा रॅकेट उघडकीस आला आहे. महात्मा गांधी चौकी पोलिसांनी कारवाई करत ६.५ लाख रुपयांच्या बनावट नोटा जप्त केल्या आहेत. या प्रकरणी एक आरोपी अभिजीत पोवार याला अटक करण्यात आली आहे. तसेच, बनावट नोटांच्या छपाईचे साहित्य, कागदांचे बंडल आणि प्रिंटींगचे वेस्टेज सुद्धा पोलिसांनी जप्त केले आहेत. या कारवाईमुळे सांगली जिल्ह्यात बनावट नोटांचा मोठा रॅकेट सक्रिय असल्याचे स्पष्ट झाले आहे.

 

 

 

सांगली महात्मा गांधी चौकी पोलिसांनी कोल्हापूरमधील गांधीनगर येथे छापा टाकून ही कारवाई केली. त्यात पाचशे रुपयांच्या १,३०० बनावट नोटा जप्त करण्यात आल्या. यासोबतच, बनावट नोटा तयार करण्यासाठी लागणारी अर्धवट तयार नोटांचे कागद, छपाईचे साहित्य आणि इतर उपकरणे पोलिसांनी जप्त केली. आरोपी अभिजीत पोवार याला अटक करून अधिक तपास सुरू केला आहे. या कारवाईनंतर पोलिसांना असे संकेत मिळाले आहेत की, बनावट नोटांचा रॅकेट मोठ्या प्रमाणावर कार्यरत असावा, ज्याचे कनेक्शन सांगली आणि इतर जिल्ह्यातील लोकांशी असू शकते.

 

आधीच, सांगलीतील महात्मा गांधी चौकी पोलिसांनी पुणे-बंगलोर महामार्गावर मुंबईकडे जाणाऱ्या एका ट्रकवर छापा टाकला होता, त्यात ९९ लाख २३ हजार रुपयांच्या बनावट नोटा जप्त करण्यात आल्या होत्या. यावरून ही टोळी अधिक व्यापक असण्याची शक्यता व्यक्त केली जात आहे.

 

 

 

या कारवाईने सांगली जिल्ह्यातील बनावट नोटा रॅकेटच्या विळख्यांमध्ये अनेक लोक येऊ शकतात. या प्रकरणात आतापर्यंत सहा आरोपींना अटक केली आहे. पोलिसांना या टोळीच्या इतर सदस्यांबाबतही माहिती मिळवण्याचे काम सुरू आहे.दुसऱ्या बाजूला, अमरावतीतही एक मोठा बनावट नोटा प्रकरण समोर आले आहे. अमरावतीतील नांदगाव पेठ पोलिसांनी दिवाळीच्या तोंडावर २६,५०० रुपयांच्या बनावट नोटा जप्त केल्या. यासोबतच तीन आरोपींना रंगेहात पकडले आहे, आणि एक आरोपी फरार झाला आहे.सांगली, मालेगाव आणि अमरावती येथील बनावट नोटा प्रकरणांमुळे राज्यात बनावट नोटा चलनात आणण्याच्या घटनांची संख्या वाढल्याचे स्पष्ट झाले आहे. पोलिस प्रशासनाचा दावा आहे की, ते या टोळीचा पर्दाफाश करण्यासाठी आवश्यक ती सर्व कारवाई करत आहेत आणि संबंधित आरोपींना कठोर शिक्षा देण्यात येईल.अधिक तपास सुरू असून, बनावट नोटांच्या निर्मितीला थांबविण्याचा पोलिसांचा प्रयत्न आगामी काळात आणखी तीव्र होईल, असे सांगण्यात आले आहे.