कॅन्सर जिंकला मित्रांनो, ही माझी शेवटची दिवाळी,' 21 वर्षीय तरुणाची पोस्ट व्हायरल

“सगळ्यांनी ऐका, मी २१ वर्षांचा आहे. मला २०२३ मध्ये स्टेज ४ कोलोरेक्टल कॅन्सरचे निदान झाले. इतक्या केमोथेरपीच्या सेशन्स आणि रुग्णालयातल्या दिवसांनंतर, डॉक्टरांनी सांगितले आहे की आता काहीच करण्यास उरलेले नाही. मी कदाचित या वर्षाच्या अखेरीपर्यंत जिवंत राहणार नाही.” “दिवाळी जवळ आली आहे. 21-year-old-boy-viral-post रस्त्यांवर आधीच दिव्यांची रोशनी दिसू लागली आहे. हे जाणवते की ही माझी शेवटची दिवाळी असेल. ती उजळलेली रोशनी, ती हसरी गर्दी, तो गोंगाट, सगळ मला खूप आठवणार आहे. आयुष्य पुढे चाललेल पाहण विचित्र वाटतय, आणि माझ आयुष्य हळूहळू संपतंय.” “मला माहीत आहे, पुढच्या वर्षी कुणीतरी दुसरा माझ्या जागी दिवे लावेल, आणि मी फक्त एक आठवण म्हणून उरेन.” “कधी कधी रात्री अजूनही मी भविष्याचा विचार करतो, जणू सवय झाली आहे. माझेही काही स्वप्न होते… थोड जग पाहायच, काही स्वतःच सुरू करायच. पण मग आठवत की माझा वेळ संपत चाललाय, आणि ते विचार शांतपणे विरून जातात.” त्याने पुढे लिहिले –“मी सध्या घरी आहे, आणि माझ्या आई-वडिलांच्या चेहऱ्यावरची उदासी पाहतो. मला समजत नाही मी ही पोस्ट का लिहितोय… कदाचित फक्त एवढ सांगायच आहे की, जे काही पुढे होईल, त्यात हरवण्यापूर्वी माझा एक छोटासा ठसा राहावा. पुन्हा भेटू.”