दर्शनासाठी रातभर जागी राहली महिला, प्रेमानंद महाराज दिसताच झाली बेशुद्ध

premanand-maharajs-padayatra वृंदावनचे प्रसिद्ध संत प्रेमानंद महाराज हे बऱ्याच काळापासून किडनीच्या गंभीर आजाराशी झुंजत आहेत. अलिकडेच एक व्हिडिओ व्हायरल झाला होता, ज्यामध्ये महाराजांचा चेहरा सुजलेला आणि लाल झालेला दिसत होता. हा व्हिडिओ त्यांच्या अनुयायांना घाबरवणारा होता. जरी हा व्हिडिओ खूप जुना असल्याचे सांगितले जात असले तरी तो इतका व्हायरल झाला की देशभरातील भाविक त्यांना भेटण्यासाठी आणि प्रार्थना करण्यासाठी येऊ लागले. काही काळापूर्वी त्यांची नियमित पदयात्रा अनिश्चित काळासाठी थांबवण्यात आली होती. सुमारे ११ दिवसांच्या विरामानंतर, त्यांची पदयात्रा १२ ऑक्टोबर रोजी पुन्हा सुरू झाली.

 

 

बुधवारी या पदयात्रे दरम्यान, महाराजांचे दर्शन घेण्यासाठी यात्रा मार्गाच्या दोन्ही बाजूंना अनुयायी जमले होते. भाविकांमध्ये एक महिला त्यांना बघण्यासाठी रात्रभर ती जागी होती, परंतु, पहाटे प्रेमानंद महाराज दिसताच ती महिला बेशुद्ध झाली. तिच्यासोबत असलेल्या तिच्या कुटुंबातील सदस्यांनी तिला रुग्णालयात नेले. premanand-maharajs-padayatra ती महिला रात्रभर रस्त्यावर महाराजांची वाट पाहत बसली होती असे वृत्त आहे. महाराजांचा एक व्हिडिओ व्हायरल झाला होता, ज्यामध्ये त्यांचा चेहरा सुजलेला दिसत होता. व्हिडिओ पाहिल्यानंतर त्यांच्या अनुयायांना खूप चिंता वाटली. त्यानंतर श्री हित राधा केली कुंज (वृंदावन) येथून एक अधिकृत निवेदन जारी करण्यात आले, ज्यामध्ये असे म्हटले आहे की प्रेमानंद महाराज आता निरोगी आहेत आणि त्यांचे दैनंदिन जीवन चालू आहे. त्यांनी सर्वांना महाराजांच्या प्रकृतीबद्दल अफवा पसरवू नयेत असे आवाहन केले. त्यांनी भक्तांना फक्त अचूक माहिती शेअर करण्याची आणि महाराजांच्या प्रकृतीबद्दल दिशाभूल करणाऱ्या बातम्या किंवा व्हिडिओ शेअर करण्यापासून दूर राहण्याची विनंती केली. दररोज, मोठ्या संख्येने लोक महाराजांच्या प्रकृतीची विचारपूस करण्यासाठी आश्रमात येत आहेत. अलीकडेच, मलुक पीठाधीश्वर श्री राजेंद्र दास जी महाराज आणि पंडित धीरेंद्र कृष्ण शास्त्री यांच्यासह अनेक धार्मिक व्यक्ती प्रेमानंद महाराजांना भेटण्यासाठी त्यांच्या आश्रमात आले होते.