मराठी भाषा व अभंगसंगीत उत्सव

Ramakrishna Wagh College छत्रपती शाहू महाराज शिक्षण संस्थेद्वारा संचालित रामकृष्ण वाघ कॉलेज ऑफ आर्ट्स अँड कॉमर्समध्ये मराठी आणि संगीत विभागाच्या माध्यमातून "अभिजात मराठी भाषा सप्ताह सोहळा आणि अभंगरंग" या कार्यक्रमाचे आयोजन करण्यात आले. कार्यक्रमाची सुरुवात महाराष्ट्र गीताने झाली, तसेच मान्यवरांच्या हस्ते सरस्वती मातेला पुष्पहार अर्पण करून दीपप्रज्वलन करण्यात आले. संगीत विभागाच्या माध्यमातून अभंगरंग अंतर्गत विविध अभंगांचे सादरीकरण करण्यात आले.

 

 

प्रमुख वक्त्या प्रा. डॉ. वसुधा वैद्य यांनी मराठी भाषेच्या अभिजाततेवर प्रकाश टाकत तिच्या सामाजिक, साहित्यिक व बौद्धिक योगदानाचे महत्त्व अधोरेखित केले. Ramakrishna Wagh College त्यांनी विद्यार्थ्यांना मराठी भाषेच्या अभ्यासातून आत्मसात होणाऱ्या मूल्यांची जाणीव करून दिली. प्रभारी प्राचार्य प्रा. पंकज झगडे यांनी मराठी भाषा सप्ताह हे केवळ सांस्कृतिक उत्सव नसून विद्यार्थ्यांच्या व्यक्तिमत्व विकासाचा महत्त्वपूर्ण टप्पा असल्याचे सांगितले.

 

कार्यक्रमाला संस्थेचे संस्थापक सचिव डॉ. मारोती वाघ आणि संस्थेच्या संचालिका लता वाघ यांच्या मार्गदर्शनाचा लाभ मिळाला. कार्यक्रमाचे प्रास्ताविक प्रा. सायली लाखे पिदळी यांनी केले, सूत्रसंचालन प्रा. संजय पाठक यांनी केले तर आभार प्रा. हर्षल रोठे यांनी मानले. Ramakrishna Wagh College कार्यक्रमाची सांगता पसायदानाने झाली. सर्व प्राध्यापक व विद्यार्थ्यांच्या उपस्थितीत हा कार्यक्रम उत्साहात पार पडला.