भारताचे अपयश... ऑस्ट्रेलियाचा ७ विकेट्सनी दणदणीत विजय

India vs Australia पर्थच्या मैदानावर शुक्रवारी झालेल्या पहिल्या एकदिवसीय सामन्यात ऑस्ट्रेलियाने भारतावर ७ गडी राखून सहज विजय मिळवला. तीन सामन्यांच्या या मालिकेत ऑस्ट्रेलियाने १-० अशी आघाडी घेतली आहे. पावसाच्या व्यत्ययामुळे हा सामना २६ षटकांचा करण्यात आला होता. प्रथम फलंदाजी करताना भारताने १३६ धावा केल्या होत्या, मात्र डकवर्थ-लुईस-स्टर्न (DLS) नियमानुसार ऑस्ट्रेलियासमोर १३१ धावांचे लक्ष्य ठेवण्यात आले, जे त्यांनी केवळ २१.१ षटकांत गाठले.

 

 

शुभमन गिलच्या नेतृत्वात खेळणाऱ्या भारतीय संघासाठी ही सुरुवात निराशाजनक ठरली. टॉस गमावल्यानंतर फलंदाजीला आलेल्या भारतीय संघाला सुरुवातीपासूनच गडबडीचा सामना करावा लागला. चौथ्या षटकात कर्णधार रोहित शर्मा केवळ ८ धावा काढून बाद झाला. त्यानंतर अनुभवी विराट कोहली शून्यावर माघारी परतला. शुभमन गिलही फार काळ टिकला नाही आणि तो १० धावांवर बाद झाला. अवघ्या २५ धावांवर भारताने आपले तीन प्रमुख फलंदाज गमावले होते.

 

 

पावसामुळे India vs Australia खेळ वारंवार खंडित झाला आणि अखेर सामना २६ षटकांचा निश्चित करण्यात आला. भारताकडून केएल राहुलने सर्वाधिक ३८ धावांची संयमी खेळी केली, तर अष्टपैलू अक्षर पटेलने ३१ धावांचे योगदान दिले. ऑस्ट्रेलियाकडून जोश हेजलवूड, मिचेल ओवेन आणि मॅथ्यू कुह्नेमान यांनी प्रत्येकी दोन गडी बाद करत भारताचा डाव रोखून धरला.

 

 

१३१ धावांचे लक्ष्य घेऊन मैदानात उतरलेल्या ऑस्ट्रेलियालाही प्रारंभी अडचणी आल्या. दुसऱ्याच षटकात ट्रॅविस हेड ८ धावांवर बाद झाला. मात्र त्यानंतर मिचेल मार्श आणि मॅथ्यू शॉर्ट यांनी डाव सावरत ३४ धावांची भागीदारी केली. शॉर्ट केवळ ८ धावा करून बाद झाला, परंतु मिचेल मार्शने आक्रमक फलंदाजी करत संघाचा विजय सुनिश्चित केला. त्याने ४६ धावांची मोलाची खेळी केली. जोश फिलिपने २९ चेंडूंमध्ये ३७ धावा केल्या आणि मॅट रेनशॉ २१ धावांवर नाबाद राहिला.भारताकडून अर्शदीप सिंग, अक्षर पटेल आणि वॉशिंगटन सुंदर यांनी प्रत्येकी एक गडी बाद केला, पण त्यांनी फारसा प्रभाव टाकू शकला नाही. खराब फलंदाजीमुळे आणि अपयशी सुरुवतीमुळे भारताला या सामन्यात पराभवाचा सामना करावा लागला.या पराभवानंतर भारताला मालिकेत टिकून राहण्यासाठी पुढील सामना जिंकणे अत्यावश्यक ठरणार आहे. शुभमन गिलच्या नेतृत्वाखाली खेळणाऱ्या भारतीय संघासाठी ही पराभवाची सुरुवात चिंतेची बाब मानली जात आहे. आता दुसऱ्या सामन्यात संघ कशी पुनर्रचना करतो, याकडे सर्वांचे लक्ष लागले आहे.