मोठा अपघात: गंगा नदीत बुडाल्या ७ मुली; ३ जणांचा मृत्यू

गाझीपूर,  

 

ही घटना कारंडा पोलीस ठाण्याच्या हद्दीतील रमजानपूर सिकंदरपूर गावाजवळ घडली. सकाळी साडेपाचच्या सुमारास गावातील सात मुली गंगा घाटावर आंघोळीसाठी गेल्या होत्या. मात्र, पाण्याचा जोरदार प्रवाह असल्यामुळे त्या खोल पाण्यात ओढल्या गेल्या. त्यांच्या आरडाओरड ऐकून जवळच्या नाविकांनी तत्काळ नदीत उड्या मारून बचावकार्य सुरू केले. त्यांनी चार मुलींना बाहेर काढले, परंतु उर्वरित तिघींचा बचाव होऊ शकला नाही. 7-girls-drown-in-ganga-ghazipur पहिल्या मुलीचा मृतदेह एक तासानंतर मिळाला, तर दुसरी मुलगी सुमारे चार तासांनी सापडली. तिसरी मुलगी खुशी (वय १२) हिचा शोध एसडीआरएफ आणि स्थानिक पोलिसांकडून सुरू आहे. मृत मुलींची ओळख पूनम यादव (१९, रामबचन यादव यांची मुलगी) आणि रोली यादव (१६, राजदेव यादव यांची मुलगी) अशी पटली आहे.

प्रत्यक्षदर्शी बोटचालक बळीराम चौधरी यांनी सांगितले की, दोन मुली बुडू लागल्यावर त्यांना वाचवण्याच्या प्रयत्नात इतर मुलीही खोल पाण्यात गेल्या. त्यामुळे अपघाताचे प्रमाण वाढले. 7-girls-drown-in-ganga-ghazipur या घटनेची माहिती मिळताच कारंडा पोलिस स्टेशनचे प्रभारी शैलेंद्र प्रताप सिंह घटनास्थळी दाखल झाले आणि बचाव मोहिम सुरू केली. त्यांनी सांगितले की, तिसरी मुलगी सापडेपर्यंत शोधकार्य अखंड सुरू ठेवले जाईल. गावात या घटनेनंतर शोककळा पसरली आहे. दिवाळीच्या पार्श्वभूमीवर या मुली गंगेत स्नान करून पूजेची तयारी करत होत्या. मात्र या भीषण अपघाताने त्यांच्या कुटुंबांवर दुःखाचा डोंगर कोसळला आहे.