कौतुकास्पद! दादासाहेब भगत यांनी 'डिजिटल क्रांतीत' गाठली नवी उंची

Dadasaheb Bhagat बीड जिल्ह्यातील एका छोट्याशा गावातून जन्मलेल्या दादासाहेब भगत यांनी संगणक शिक्षणाचा अनोखा प्रवास पार करत देशातील डिजीटल क्षेत्रात नवीन इतिहास रचला आहे. दहावीपर्यंत शिक्षण घेतलेल्या दादासाहेबांना आर्थिक अडचणींमुळे दोन वेळच्या जेवणाचीही भ्रांत असताना, त्यांनी आपल्या इच्छाशक्तीच्या जोरावर आणि आत्मविश्वासाने अनेक संघर्षांना मात दिली. त्यांचा हा प्रवास प्रेरणादायी आहे, ज्यातून त्यांनी देशाच्या डिजिटल डिझाइन क्षेत्रात नाव कमावले आहे.

 

 

 

दादासाहेब भगत यांनी पुण्यात कामाच्या शोधात आले. प्रारंभी चार हजार रुपये मासिक वेतनाने विविध ठिकाणी काम करत त्यांनी जीव मुठीत धरला. त्यानंतर इन्फोसिसमध्ये नौ हजार रुपये पगारावर ऑफिस बॉयची नोकरी मिळाली. येथे त्यांना इंजिनियर्सना चहा देणे, डेस्कची स्वच्छता करणे यासारखे काम करण्यास सांगितले गेले. पण दादासाहेबांनी फक्त काम करणे नव्हे, तर संगणक व डिजिटल ज्ञान आत्मसात करण्याचे ध्येय ठरवले. त्यांनी इंजिनियर्सच्या मदतीने संगणकाचे मूलभूत तंत्रज्ञान समजून घेतले आणि युट्युब व विविध ऑनलाइन ट्युटोरियल्सच्या माध्यमातून ग्राफिक डिझाइन शिकायला सुरुवात केली. दिवसा नोकरी करत असताना, रात्री ते डिझाइनचे तंत्र आत्मसात करत होते. अशा सातत्यपूर्ण प्रयत्नांनी ते एक कुशल ग्राफिक डिझायनर बनले.

 

 

दादासाहेब भगत यांनी आपल्या मेहनतीचा आणि कौशल्याचा वापर करून भारताचा पहिला डिज़ाइन प्लॅटफॉर्म “डिझाइन टेम्पलेट” तयार केला आहे, जो कॅनवा सारख्या जागतिक स्तरावरील प्लॅटफॉर्मला टक्कर देण्यास सक्षम आहे. या प्लॅटफॉर्मवर पोस्टर, प्रेझेंटेशन आणि डिजिटल कंटेंट सहज तयार करता येतात. त्यांना या संकल्पनेच्या अंमलबजावणीमध्ये अनेक अडचणींना सामोरे जावे लागले, पण त्यांनी हार मानली नाही.

 

 

कोरोना Dadasaheb Bhagat काळात पुण्याच्या इन्फोसिस कार्यालयात काम ठप्प झाले तेव्हा दादासाहेबांना गावी परतावे लागले. तरीही त्यांनी आपली मेहनत आणि आत्मविश्वास कायम ठेवला आणि गावातूनच कंपनीचे काम सुरु ठेवले. त्यांच्या या संघर्षशील प्रवासाला पंतप्रधान नरेंद्र मोदी यांनीही कौतुक केले असून त्यांनी त्यांच्या धैर्य आणि कर्तृत्वाला विशेष उजाळा दिला आहे.दादासाहेब भगत यांचा प्रवास आपल्याला दाखवतो की, परिस्थिती कितीही बिकट असली तरी, इच्छाशक्ती, कष्ट आणि सातत्य असतील तर कोणतेही स्वप्न पूर्ण होऊ शकते. बीडच्या त्या छोट्याशा गावातून ते एक राष्ट्रीय उदाहरण ठरले असून, त्यांच्या यशाने अनेक तरुणांना प्रेरणा मिळाली आहे. त्यांनी सिद्ध केले की, डिजिटल युगात ज्ञान आणि प्रयत्न यांच्याशिवाय काहीही अशक्य नाही.

 

 

दादासाहेबांच्या या प्रेरणादायी कहाणीमुळे महाराष्ट्र आणि देशभरातील तरुणांना नवीन उर्जा मिळाली असून, त्यांचे भविष्य उज्ज्वल असल्याचे दिसून येते.