मीराबाई चानूचा पराक्रम : वर्ल्ड चॅम्पियनशिपमध्ये रौप्य पदक

mirabai-chanu-silver-medal भारताची स्टार महिला वेटलिफ्टर मीराबाई चानूने २०२५ च्या जागतिक अजिंक्यपद स्पर्धेत रौप्य पदक जिंकले आहे. तिने जागतिक वेटलिफ्टिंग अजिंक्यपद स्पर्धेत ४८ किलो वजन गटात भाग घेतला आणि तीन वर्षांनी या प्रमुख स्पर्धेत पदक जिंकले. यामुळे तिच्या एकूण जागतिक अजिंक्यपद पदकांची संख्या तीन झाली आहे.

 

 

मीराबाई चानू २०२४ च्या पॅरिस ऑलिंपिकमध्ये पदक जिंकू शकली नाही आणि चौथ्या स्थानावर राहिली. त्यानंतर, तिच्यावर जागतिक अजिंक्यपद स्पर्धेत चांगली कामगिरी करण्याचे दबाव होते. त्यानंतर तिने दमदार कामगिरी करत दुसरे स्थान मिळवले. तिने स्नॅच प्रकारात एकूण ८४ किलो वजन उचलले, त्यानंतर क्लीन अँड जर्क प्रकारात ११५ किलो वजन उचलले, एकूण १९९ किलो वजन उचलून रौप्य पदक जिंकले. मीराबाई चानूने जागतिक अजिंक्यपद स्पर्धेत दमदार सुरुवात केली, स्नॅच प्रकारात पहिल्याच प्रयत्नात ८४ किलो वजन उचलले. mirabai-chanu-silver-medal कोरियाच्या री सोंग-गमने सुवर्णपदक जिंकले, तिने एकूण २१३ किलो (९१ किलो + १२२ किलो) वजन उचलले. तिने क्लीन अँड जर्कमध्ये १२२ किलोचा नवा विश्वविक्रमही केला. थायलंडच्या थान्याथोन सुकचारोएनने १९८ किलो (८८ किलो + ११० किलो) वजन उचलून कांस्यपदक जिंकले.

सौजन्य : सोशल मीडिया 

मीराबाई चानूचे जागतिक अजिंक्यपद स्पर्धेत वेटलिफ्टिंगमधील हे तिसरे पदक आहे. तिने यापूर्वी २०१७ च्या जागतिक अजिंक्यपद स्पर्धेत सुवर्णपदक आणि २०२२ मध्ये रौप्यपदक जिंकले होते. mirabai-chanu-silver-medal तिने २०२० च्या टोकियो ऑलिंपिकमध्येही भारतासाठी रौप्यपदक जिंकले.