तामसा येथे मोफत निदान शिबिराला नागरिकांचा उत्स्फूर्त प्रतिसाद

diagnostic camp tamsa आमदार बाबुराव कदम यांच्या पुढाकारातून, दत्ता मेघे उच्च शिक्षण व संशोधन संस्था संचालित आचार्य विनोबा भावे ग्रामीण रुग्णालय, सावंगी (मेघे) यांच्या संयुक्त विद्यमाने तामसा येथे मोफत सर्वरोग निदान व उपचार शिबिराचे यशस्वी आयोजन करण्यात आले होते. या शिबिराचे उद्घाटन हिंगोली लोकसभेचे माजी खासदार सुभाष वानखेडे यांच्या हस्ते झाले, तर अध्यक्षस्थान कृषी उत्पन्न बाजार समिती सभापती गंगाधर चाभरेकर यांनी भूषविले. या शिबिरात एकूण 2753 नागरिकांची तपासणी करण्यात आली असून, त्यापैकी 450 रुग्णांना पुढील उपचारासाठी संदर्भित करण्यात आले आहे. या उपक्रमामुळे ग्रामीण स्तरावर नागरिकांना उच्च दर्जाची वैद्यकीय सुविधा सहज उपलब्ध झाली.

 

 

 

 

 

शिबिराच्या आयोजनासाठी डॉ. शिंगारे, मुरलीधर उमाटे, तसेच दत्ता मेघे संस्था आणि आचार्य विनोबा भावे ग्रामीण रुग्णालय, सावंगी (मेघे) येथील सर्व तज्ज्ञ डॉक्टर, परिचारिका, तांत्रिक कर्मचारी आणि सामाजिक कार्यकर्ते यांचे मोलाचे योगदान लाभले.

कार्यक्रमात हिमायतनगर येथील शिवसेना नेते विकास देवसरकर, डॉ. विवेक कोहळीकर, शिवराज कोहळीकर, युवासेना जिल्हाध्यक्ष संदेश हडसणीकर, महिला आघाडी जिल्हा प्रमुख शितल भांगे, हिमायतनगर तालुकाध्यक्ष रामभाऊ ठाकरे, तालुका आरोग्य अधिकारी डॉ. मुरमुरे, डॉ. दीपक कदम, डॉ. बोंढरवाड, डॉ. सुलेवाड, डॉ. मोहिनी सूर्यवंशी (प्राथमिक आरोग्य केंद्र तामसा), सुदर्शन पाटील आणि आरोग्य कर्मचारी मोठ्या संख्येने उपस्थित होते.diagnostic camp tamsa या शिबिरासाठी केशव हरण, माधव नारेवाड, सुभाष धरमुरे, संतोष ठमके, झिया बागवान, दिलीप कोथळकर, गजानन कल्याणकर, गजानन आगलावे, संदीप बंडेवार, राजू लामतुरे, प्रदीप तवर, साईनाथ फुलारे, किशोर घंटलवार, सुरेश ठाकरे, धनराज सोनटक्के, ज्ञानेश्वर विभूते, शरद दुगाळे, सुनील चव्हाण, सुरज तवर, तुकाराम तवर, मंचक कदम हे शिवसैनिक, आरोग्य सेवक आणि स्वयंसेवकांनी उत्साहाने योगदान दिले. या शिबिरामुळे ग्रामीण नागरिकांना मोफत व दर्जेदार आरोग्यसेवा उपलब्ध होऊन लोकसेवा आणि आरोग्य जनजागृतीचा एक अनुकरणीय उपक्रम राबविला गेला. तामसा व परिसरातील नागरिकांनी दिलेल्या प्रतिसादामुळे हा उपक्रम सामाजिक आरोग्य संवर्धनाचा आदर्श नमुना ठरला आहे.