कारचा साइड मिरर फुटला म्हणून संतप्त दांपत्याने केली तरुणाची हत्या; VIDEO

couple-kills-young-man-bangalore बंगळुरूच्या पुत्तनहल्ली भागात २५ ऑक्टोबरच्या रात्री रोड रेजची एक धक्कादायक घटना घडली. किरकोळ अपघातानंतर एका व्यक्तीचा खून करण्यात आला. या घटनेत दर्शन नावाच्या तरुणाचा मृत्यू झाला, तर त्याचा मित्र वरुण गंभीर जखमी झाला. आरोपींची नावे मनोज कुमार आणि त्यांची पत्नी आरती शर्मा अशी आहेत. पोलिसांनी दोघांनाही अटक केली आहे.

 

 

 

मिळालेल्या माहितीनुसार, रात्री मोटारसायकलवरून जाणारे दर्शन आणि वरुण यांच्या बाईकची मनोज कुमार याच्या कारशी किरकोळ धडक झाली. या धडकेत कारचे काच फुटले. या छोट्या घटनेनंतर रागाच्या भरात हा वाद जीवघेण्या पाठलागात बदलला. सीसीटीव्ही फुटेजनुसार, संतप्त मनोज कुमार आणि त्याची पत्नी आरती शर्माने मोटारसायकलवर असलेल्या दोघा तरुणांचा जवळपास दोन किलोमीटरपर्यंत पाठलाग केला. पहिल्यांदा धडक देण्यात अपयश आल्यानंतर त्यांनी यू-टर्न घेतला आणि दोघांनाही मुद्दाम जोरदार धडक दिली. या धडकेमुळे दर्शन आणि वरुण रस्त्यावर पडले आणि गंभीर जखमी झाले. वरुण कसाबसा बचावला, पण दर्शनचा गंभीर जखमांमुळे मृत्यू झाला. couple-kills-young-man-bangalore धडक दिल्यानंतर आरोपी दांपत्य घटनास्थळावरून पसार झाले, पण काही वेळानंतर मास्क घालून परत आले. त्यांनी कारचे फुटलेले भाग आणि इतर पुरावे गोळा करून पुन्हा पळ काढला. सीसीटीव्ही फुटेज आणि इतर पुराव्यांच्या आधारे पोलिसांनी या प्रकरणाला रोड रेजमधील हत्या म्हणून नोंदवले आहे. मनोज कुमार आणि आरती शर्मा यांना हत्या प्रकरणी अटक करण्यात आली असून पुढील चौकशी सुरू आहे.

सौजन्य : सोशल मीडिया