मोठा अपघात: रेल्वे पूल बांधताना वाहनांवर क्रेन कोसळली, २ जणांचा मृत्यू

crane-collapses-on-vehicles-dhar मध्य प्रदेशातील धार जिल्ह्यातील पीथमपूर येथे भीषण अपघात घडला आहे. बांधकाम सुरू असलेल्या रेल्वे पुलावर काम करत असताना एक प्रचंड क्रेन अचानक कोसळली. या दुर्घटनेत एक टाटा मॅजिक आणि एक पिकअप वाहन तिच्या खाली चिरडले गेले. या भीषण अपघातात दोन जणांचा जागीच मृत्यू झाला असून काही जण, त्यात एका बाइकस्वाराचाही समावेश आहे, ढिगाऱ्याखाली अडकल्याची शक्यता वर्तवली जात आहे.

 

 

 

सध्या घटनास्थळी बचाव आणि मदतकार्य सुरू आहे. मृतांची ओळख क्रेन उचलल्यानंतरच पटू शकेल, असे अधिकाऱ्यांनी सांगितले. औद्योगिक नगरी पीथमपूरच्या सागौर पोलीस ठाणे क्षेत्रात हे काम सुरू होते. crane-collapses-on-vehicles-dhar क्रेन एका जड पिलरला हलवण्याचे काम करत असताना अचानक संतुलन बिघडले आणि ती पुलाच्या सर्व्हिस रोडवर कोसळली. क्रेन एवढी वजनदार होती की पिकअप व्हॅन पूर्णपणे चकनाचूर झाली आणि आत बसलेल्या लोकांना सुटण्याची संधीही मिळाली नाही. सागौर पोलीस ठाण्याचे प्रभारी प्रकाश सरोदे आणि इतर अधिकारी तातडीने घटनास्थळी पोहोचले असून रेस्क्यू ऑपरेशन सुरू आहे. क्रेन उचलल्यानंतरच अपघातात जखमी आणि मृतांची नेमकी संख्या स्पष्ट होणार आहे.