ताम्हिणी घाटात कारच्या सनरूफवर दरड कोसळून महिला ठार

Landslide in Tamhini Ghat रायगड जिल्ह्यातील ताम्हिणी घाटात भषण अपघाताची घटना घडली असून, धावत्या कारच्या सनरूफवर दरडीतील दगड कोसळल्याने एका महिलेचा दुर्दैवी मृत्यू झाला आहे. या अपघातामुळे परिसरात खळबळ उडाली आहे. मृत महिलेचे नाव स्नेहल गुजराती असे असून त्या पुण्याहून रायगड जिल्ह्यातील मानगाव येथे निघाल्या होत्या.

 

 

 

मिळालेल्या माहितीनुसार, हा अपघात कोंडेथर गावाजवळ झाला. घाटातून प्रवास करत असताना अचानक डोंगरकड्यावरून दरडीचा काही भाग कोसळला. त्यातील एक मोठा दगड थेट कारच्या सनरूफवर आदळला आणि आत शिरत स्नेहल गुजराती यांच्या डोक्यावर जोरात पडला. या धक्क्याने त्या जागीच बेशुद्ध पडल्या आणि गंभीर दुखापतीमुळे त्यांचा मृत्यू झाला. कारमधील इतर प्रवाशी किरकोळ बचावले असून त्यांना काहीही इजा झालेली नाही, ही बाब सुदैवाची ठरली.