"मला असा पुरूष हवा आहे जो मला आई बनवू शकेल..."

pregnant-job-scam-pune सोशल मीडियाच्या चकचकीत जगात आजकाल नोकरीच्या नावाखाली नव्या प्रकारचे फसवणुकीचे उद्योग फोफावत आहेत. पण पुण्यातील एका ४४ वर्षीय ठेकेदाराची गोष्ट ऐकली तर अंगावर काटा येईल. एका फसव्या जाहिरातीच्या आमिषाला बळी पडून त्याने तब्बल ११ लाख रुपये गमावले.

 

 

ही जाहिरात अशी होती — “मला आई बनवणारा पुरुष हवा आहे, जो मला तीन महिन्यांत गर्भवती करेल त्याला २५ लाख रुपये, कार आणि घराचा हिस्सा देईन.” या भावनिक आणि भडकावू मजकुराने ठेकेदाराचे लक्ष वेधले आणि तो ‘प्रेग्नंट जॉब सर्व्हिस’ नावाच्या फसव्या संस्थेच्या संपर्कात आला. पोलिसांच्या माहितीनुसार, हडपसर परिसरात राहणाऱ्या या ठेकेदाराला सप्टेंबरच्या सुरुवातीला फेसबुकवर हा फसवा जाहिरात व्हिडिओ दिसला. जाहिरातीत एका सुंदर महिलेचा फोटो होता, जी म्हणत होती की ती मातृत्वाचा आनंद घ्यायचा आहे पण तिला लग्न करायचे नाही. त्या जाहिरातीच्या शेवटी दिलेल्या क्रमांकावर संपर्क केल्यानंतर एका व्यक्तीने स्वतःला “प्रेग्नंट जॉब कंपनीचा असिस्टंट” म्हणून ओळख दिली. pregnant-job-scam-pune त्याने ठेकेदाराला सांगितले की, महिलेसोबत राहण्यासाठी आधी रजिस्ट्रेशन, आयडी कार्ड आणि वैद्यकीय तपासणी आवश्यक आहे.  यानंतर रजिस्ट्रेशन फी, आयडी चार्ज, व्हेरिफिकेशन फी, जीएसटी, टीडीएस आणि सिक्युरिटी डिपॉझिट अशा विविध कारणांनी पैसे मागितले गेले. ठेकेदाराने सप्टेंबरच्या पहिल्या आठवड्यापासून २३ ऑक्टोबरपर्यंत १०० पेक्षा जास्त व्यवहार करून एकूण ११ लाख रुपये यूपीआय आणि आयएमपीएसद्वारे पाठवले.

पैसे गेल्यानंतर जेव्हा त्याने शंका उपस्थित केली, तेव्हा फसवणूक करणाऱ्यांनी त्याला ब्लॉक केले. तेव्हा त्याला समजले की तो सायबर ठगीचा बळी ठरला आहे. पोलिस ठाण्यात गुन्हा दाखल करण्यात आला आहे. तपास अधिकाऱ्यांनी सांगितले की “प्रेग्नंट जॉब सर्व्हिस” किंवा “मदर जॉब ऑफर” नावाने देशभरात असे प्रकार २०२२ पासून वेगाने वाढले आहेत. सायबर गुन्हेगार आकर्षक महिलांचे व्हिडिओ आणि बनावट प्रोफाइल तयार करून पुरुषांना फसवतात. pregnant-job-scam-pune ते मोठ्या रकमेचे आमिष दाखवतात आणि नंतर रजिस्ट्रेशन किंवा मेडिकल टेस्टच्या नावाने पैसे उकळतात. बिहार, उत्तर प्रदेशसह अनेक राज्यांमध्ये पोलिसांनी अशा टोळ्यांना अटकही केली आहे.