रजनीकांत घेणार संन्यास..शेवटचा चित्रपट ठरणार "हा"

Rajinikanth retirement भारतीय चित्रपटसृष्टीतील दिग्गज अभिनेता रजनीकांत आपल्या 75व्या वर्षीही चित्रपटांच्या शूटिंगमध्ये व्यस्त आहे. मात्र, वाढत्या वयामुळे आणि आरोग्याच्या काळजीमुळे आता रजनीकांत आपल्या चित्रपट जीवनातून संन्यास घेण्याचा विचार करत आहेत, अशी माहिती तमिळ मिडियातुन मिळालेली आहे.

 

 

सध्या रजनीकांत ‘जेलर 2’ या चित्रपटाच्या शूटिंगमध्ये व्यस्त आहेत. हा चित्रपट नेल्सनच्या दिग्दर्शनाखाली बनत असून, येत्या वर्षी प्रदर्शित होणार आहे. त्याचबरोबर, रजनीकांतच्या झोलीत आणखी चार अपकमिंग चित्रपट आहेत. यापैकी एक चित्रपट दिग्गज अभिनेता कमल हासनसोबत तयार केला जाणार आहे, आणि या मल्टीस्टारर प्रोजेक्टनंतर थलाइवा आपल्या सिनेमात संन्यास घेण्याचा निर्णय घेऊ शकतात, अशी माहिती सूत्रांनी दिली आहे.कमल हासनसोबत रजनीकांत जवळपास चार दशकांनंतर पर्द्यावर एकत्र दिसणार आहेत. 1970-80च्या दशकात त्यांनी ‘अपूर्व रागंगल’ (1975) आणि ‘16 वैयाथिनिले’ (1977) यांसारख्या चित्रपटांमध्ये एकत्र काम केले होते. या नवीन प्रोजेक्टचे नेमके दिग्दर्शन कोण करणार याबाबत अद्याप अंतिम निर्णय झाला नसला तरी नेल्सन दिलीपकुमार यांचे नाव चर्चेत आहे. या चित्रपटाचे फ्लोरवर येणे 2027 मध्ये अपेक्षित आहे.

रजनीकांतची कारकिर्दी गौरवाची राहिली आहे. भारतीय सिनेमात योगदानासाठी त्यांना 2000 मध्ये पद्म भूषण, 2016 मध्ये पद्म विभूषण, आणि 2019 मध्ये दादा साहेब फाळके पुरस्काराने सन्मानित करण्यात आले. तसेच त्यांना राष्ट्रीय चित्रपट पुरस्कार, सात तमिळनाडू राज्य पुरस्कार, एक नंदी पुरस्कार, एक फिल्मफेअर पुरस्कार आणि दोन महाराष्ट्र राज्य पुरस्कार प्राप्त झाले आहेत. 1975 मध्ये ‘अपूर्वा रागंगल’ या चित्रपटातून त्यांनी आपल्या करकिर्दीची सुरुवात केली, तर ‘कुली’ हा त्यांचा 171 वा चित्रपट ठरला.‘जेलर 2’ नंतर रजनीकांत सुंदर सीच्या दिग्दर्शनाखाली आणखी एक चित्रपट करणार आहेत, तसेच निर्माता साजिद नाडियाडवाला यांच्या सहकार्याने देखील त्यांची एक चित्रपट प्रोजेक्ट लाइनमध्ये आहे. रजनीकांतच्या या पाईपलाइनमुळे चाहते उत्सुकतेत आहेत, पण त्यांचा संन्यास घेण्याचा निर्णय चित्रपटसृष्टीत मोठ्या बदलाची शक्यता निर्माण करू शकतो.