माजी क्रिकेटपटू अझरुद्दीन यांचा तेलंगणाच्या मंत्रिमंडळात समावेश

cricketer-azharuddin-in-telangana-cabinet कॉंग्रेसचे ज्येष्ठ नेते आणि भारतीय क्रिकेट संघाचे माजी कर्णधार मोहम्मद अझहरुद्दीन यांना तेलंगणा सरकारने आपल्या मंत्रिमंडळात स्थान दिले आहे. शुक्रवारी मुख्यमंत्री ए. रेवंत रेड्डी यांच्या नेतृत्वाखालील तेलंगणा सरकारच्या मंत्रिमंडळात मोहम्मद अझहरुद्दीन यांनी मंत्रीपदाची शपथ घेतली.

 

 

 

ही शपथविधी समारंभ तेलंगणा राजभवनात पार पडला, जिथे राज्यपाल जिष्णु देव वर्मा यांच्या हस्ते अझहरुद्दीन यांनी शपथ घेतली. या प्रसंगी मुख्यमंत्री रेवंत रेड्डी यांच्यासह अनेक महत्त्वाचे नेते उपस्थित होते. अझहरुद्दीन यांच्या समावेशानंतर मंत्रिमंडळातील सदस्यसंख्या १६ वर पोहोचली असून, आणखी दोन सदस्य लवकरच सामील होऊ शकतात. राज्य विधानसभेतील सदस्यसंख्येप्रमाणे एकूण १८ मंत्र्यांचा समावेश करता येतो. cricketer-azharuddin-in-telangana-cabinet माजी क्रिकेटपटूचा मंत्रिपदावर झालेला समावेश हा राजकीय दृष्ट्या महत्त्वाचा पाऊल मानला जात आहे, कारण काँग्रेस पक्ष सध्या जुबली हिल्स पोटनिवडणुकीसाठी पूर्ण ताकदीने प्रयत्न करत आहे. या मतदारसंघात सुमारे एक लाख मुस्लिम मतदार आहेत, जे निर्णायक भूमिका बजावू शकतात. याच वर्षी जून महिन्यात बीआरएसचे आमदार मंगंती गोपीनाथ यांचे हृदयविकाराच्या झटक्याने निधन झाले होते, ज्यामुळे ही जागा रिक्त झाली असून, त्यावर आता पोटनिवडणूक होणार आहे.

 

गेल्या ऑगस्ट महिन्यात तेलंगणा सरकारने अझहरुद्दीन यांना राज्यपाल कोट्यातून विधान परिषद सदस्य (एमएलसी) म्हणून नामनिर्देशित केले होते, मात्र राज्यपाल जिष्णु देव वर्मा यांनी अद्याप या नियुक्तीला मंजुरी दिलेली नाही. cricketer-azharuddin-in-telangana-cabinet २०२३ च्या विधानसभा निवडणुकीत अझहरुद्दीन यांनी जुबली हिल्स मतदारसंघातून काँग्रेसकडून उमेदवारी दिली होती, परंतु त्यांना पराभवाचा सामना करावा लागला होता.