रशियाचा जबरदस्त पलटवार! युक्रेनची लाइफलाइन उडवली!VIDEO

Russia-Ukraine War : रशिया-युक्रेन युद्धाला आता तीन वर्षे पूर्ण होत असताना, संघर्षात मोठा टर्निंग पॉईंट आला आहे. रशियन हवाई दलाने युक्रेनच्या डनिप्रोपेट्रोव्हस्क प्रदेशातील एक महत्त्वाचा पूल उडवून दिला आहे. जो युक्रेनियन सैन्यासाठी शस्त्रे आणि उपकरणांचा प्रमुख पुरवठा मार्ग होता.

 

 

 

 

 

हा पूल उद्ध्वस्त झाल्याने युक्रेनच्या सैन्याची पूर्व आघाडीवरील पुरवठा साखळी विस्कळीत झाली आहे. रशियन संरक्षण मंत्रालयाने या हल्ल्याला “अचूक लष्करी कारवाई” म्हटले आहे. मात्र स्थानिक अधिकाऱ्यांचा दावा आहे की, या विध्वंसामुळे आसपासच्या नागरिकांचे जीवनही धोक्यात आले आहे.

 

युक्रेनचे अध्यक्ष व्होलोडिमिर झेलेन्स्की यांनी म्हटले, “आम्ही झुकणार नाही, प्रत्येक नुकसान आम्हाला आणखी मजबूत बनवते.” डनिप्रोपेट्रोव्हस्क प्रदेशाचे गव्हर्नर सर्गेई लिसेन्को यांनी आंतरराष्ट्रीय मदतीची मागणी केली असून त्यांनी हा हल्ला “युद्धातील सर्वात मोठा धक्का” असल्याचे म्हटले आहे.

 

हा प्रदेश डोनबास सीमेवर असल्याने दीर्घकाळापासून रशियन हल्ल्यांचे केंद्र राहिला आहे. अलिकडच्या काही दिवसांत येथे क्षेपणास्त्र आणि ड्रोन हल्ल्यांमुळे अनेक नागरिकांचे प्राण गेले आहेत.

 

मॉस्कोने या पुलाच्या विध्वंसाला “विशेष लष्करी कारवाईचे यश” म्हटले आहे, तर अमेरिका आणि युरोपियन युनियनने या हल्ल्याचा तीव्र निषेध केला आहे. विश्लेषकांचे मत आहे की हा हल्ला युक्रेनचा पुरवठा खंडित करून रशियाला हिवाळ्यापूर्वी धोरणात्मक आघाडी मिळवून देऊ शकतो.

 

 

 

 

आता युक्रेनसमोर सर्वात मोठे आव्हान म्हणजे तुटलेल्या पुरवठा मार्गाची भरपाई आणि रशियन हवाई दबदब्याला तोंड देणे. युद्ध पुन्हा एकदा निर्णायक टप्प्यावर पोहोचले आहे.