अवकाळी पावसाने ऊसतोड मजुरांचे प्रचंड हाल

दरवर्षी पोटाची खळगी भरण्यासाठी तालुक्यातील हजारो शेतमजुर राज्यातील विविध साखर कारखान्याच्या क्षेत्रात Sugarcane cutting ऊसतोडीसाठी जातात. मेनकापडाचे पाल टाकून तात्पुरता निवारा उभारून यात हे मजुर वास्तव्य करतात. अनेकदा नैसर्गिक आपत्ती, साप, विंचू दंश तसेच जंगली प्राण्यांच्या हल्याला बळी पडावे लागते. कोणत्याही प्रकारचे सुरक्षाकवच नसल्याने ऊसतोड मजुरांचे आयुष्य अत्यंत वेदनादायी ठरते. दरम्यान, ऊसतोड मजुरासोबत त्यांचे ० ते १४ वर्षे पाल्य ऊसतोडीसाठी विविध ठिकाणी फिरत असल्याने पाल्यांचे शैक्षणिक नुकसान होते. या करीता शासनाने हंगामी वस्तीगृह किंवा पाल्य जिथे जाईल तिथे शिक्षणाची सुविधा उपलब्ध करुन देणे गरजेचे ठरले आहे.

ऐन ऊस गाळपास जाण्याच्या हंगामात अवकाळी पाऊस पडल्याने ऊसतोडीस अडथळा निर्माण झाला आहे. पावसाचे सरीत साचल्याने तसेच वाहने शेतात जाणे अवघड झाले असून ऊसतोडीला किमान ८ दिवस ब्रेक लागणार आहे. केवळ टायर रोड लगतच्या क्षेत्रावरील ऊसतोड दोन-तीन दिवसांत सुरू होईल, असा अंदाज व्यक्त होत आहे.