एकतेचा संदेश देत देवळीत वॉक फॉर युनिटी

walk for unity in deoli लोहपुरुष सरदार वल्लभभाई पटेल यांच्या दीडशेव्या जयंतीनिमित्त राष्ट्रीय एकता दिनाचे औचित्य साधून आज पोलिस स्टेशन देवळी द्वारे भारताची एकता आणि अखंडता एक देश, एक भारत, श्रेष्ठ भारत हा संदेश देण्यासाठी देवळी पोलिस स्टेशनच्या पुढाकाराने वॉक फॉर युनिटी या कार्यक्रमाचे आयोजन करण्यात आले होते. यामध्ये शहरातील विविध शाळा, महाविद्यालये आणि सामाजिक संस्थांच्या सुमारे सातशे विद्यार्थी व नागरिकांनी उत्स्फूर्त सहभाग नोंदविला.

 

 

 

 

अध्यक्षस्थानी माजी खासदार रामदास तडस होते तर प्रमुख अतिथी म्हणून एस.एम.डब्ल्यू. इस्पातचे व्यवस्थापकीय संचालक दीपक सुमंत, ठाणेदार अमोल मंडाळकर, सृजन स्कूलच्या अध्यक्ष डॉ. श्रद्धा चौरे, प्राचार्य डॉ. सुनीता सोनारे, नपचे माजी उपाध्यक्ष डॉ. नरेंद्र मदनकर, माजी नगराध्यक्ष जब्बार तवर, डॉ. श्रावण साखरकर आणि सुरेंद्र उमाटे यांची प्रमुख उपस्थिती होती. माजी खासदार रामदास तडस यावेळी म्हणाले की, अशा उपक्रमांमुळे देशात एकता, अखंडता आणि देशभक्तीची भावना दृढ होते. भारत विविधतेत एकतेचा देश असून, युवकांनी आणि नागरिकांनी अशा उपक्रमांद्वारे राष्ट्रनिर्मितीमध्ये सक्रिय सहभाग घेऊन देश एकसंघ ठेवण्याचे आवाहन त्यांनी केले.walk for unity in deoli वॉक फॉर युनिटीमध्ये देवळी तालुयातील पोलिस पाटील, पोलिस दल, गृहरक्षक दलाचे सैनिक, एन.सी.सी. छत्रसैनिक, मोहल्ला कमिटी, शांतता कमिटी सदस्य, श्रृजन स्कूल, गुरुकुल स्कूल, खेळाडू, बजरंग दल व सर्व महाविद्यालये आणि सामाजिक संस्थांचे विद्यार्थी व नागरिकांनी उत्स्फूर्त सहभाग नोंदविला. पोलिस स्टेशनपासून सुरू झालेली ही एकात्मता यात्रा देवळी शहरातील प्रमुख मार्गाने मार्गक्रमण करत आठवडी बाजार येथे समारोप झाला. वॉक फॉर युनिटी मध्ये प्रथम पुरस्कार भांबेवार, द्वितीय विश्वेश्वर लांबट, तृतीय पुरस्कार रत्नाकर कोंबे यांनी तर प्रोत्साहनपर पारितोषिक सुमित तायवाडे, संकेत मडावी, रेविका सावरकर यांनी पटकाविले. प्रास्तविक ठाणेदार अमोल मंडाळकर यांनी केले. संचालन प्रफुल्ल कारमोरे यांनी तर आभार अमलदार मनोज नप्ते यांनी मानले.