मला दररोज रात्री ८ ते १० क्लायंटशी....

Minor girl rescued from prostitution दिल्ली पोलिसांनी एका १६ वर्षांच्या मुलीची सुटका केली आहे जिला वेश्याव्यवसायात ढकलण्यात आले होते. तिला या व्यवसायात जायला कसे भाग पाडले गेले याबाबत तिने खुलासे केले आहे. असोसिएशन फॉर व्हॉलंटरी अॅक्शनच्या माहितीवरून सुटका करण्यात आलेल्या अल्पवयीन मुलीने सांगितले की तिला एक वर्षापूर्वी या अंधाऱ्या जगात जबरदस्तीने नेण्यात आले होते, जिथे तिला दररोज रात्री ८ ते १० क्लायंटना संतुष्ट करावे लागत होते. पोलिसांनी गुन्हा दाखल केला आहे आणि एका आरोपीला अटक केली आहे आणि या टोळीत सहभागी असलेल्या इतर संशयितांचा तपास सुरू आहे.

 

 

 

पीडितेने सांगितले की, जेव्हा तिने वेदना होत असल्याची तक्रार केली तेव्हा तिला वेदनाशामक औषधे दिली जात होती आणि नंतर क्लायंटना पाठवले जात होते. या कामासाठी तिला ५०० रुपये दिले जात होते, परंतु हे पैसे देखील तिला कधीकधी आणि विनंतीनुसारच दिले जात होते. जेव्हा तिने सोडून देण्याची विनंती केली तेव्हा तस्करी टोळीच्या सदस्यांनी तिचे रेकॉर्ड केलेले व्हिडिओ व्हायरल करण्याची धमकी देण्यात आली.

मुलीने सांगितले की, तिची आई एक वर्षापूर्वी वारली. ती तिच्या वडिलांसोबत आहेत असून जे मद्यपी आहेत. तिच्या वडिलांना याबद्दल काही माहिती आहे का असे विचारले असता, तिने सांगितले त्यांना काहीही माहिती नाही.या कामामध्ये तिला सुट्टी मिळत नसून तिला दररोज ८ ते १० ग्राहकांना संतुष्ट करावे लागत होते. बाल हक्कांच्या संरक्षण आणि सुरक्षिततेसाठी काम करणाऱ्या संस्थेचे वरिष्ठ संचालक मनीष शर्मा म्हणाले, आमच्या टीमने स्वतःला ग्राहक म्हणून भासवून टोळीशी संपर्क साधला. घटनास्थळी रिकाम्या दारूच्या बाटल्या, वेदनाशामक औषधे, काही अँटीबायोटिक्स आढळले आहे. पोलिसांनी इब्राहिम नावाच्या एका आरोपीला अटक केली आहे, परंतु तो एकटा नसून एका टोळीमागे असल्याच्या चर्चा सुरु आहे.