लकी पिंपळकरला राज्यस्तरीय वादविवाद स्पर्धेत तृतीय क्रमांक

Dr. Ambedkar College डॉ. आंबेडकर महाविद्यालयाच्या कला शाखेतील इयत्ता बारावीचा विद्यार्थी लकी पिंपळकर याने राज्यस्तरीय वादविवाद स्पर्धेत तृतीय क्रमांक मिळवून महाविद्यालयाचे नाव उज्ज्वल केले आहे. ही स्पर्धा केसरीमल पोरवाल महाविद्यालय, कामठी येथे पार पडली. "टॅरिफपासून वाचण्याचा स्वदेशी हा एकमेव पर्याय आहे" या विषयावर लकीने प्रभावीपणे आपले विचार मांडत परीक्षकांची मने जिंकली.

लकी पिंपळकरच्या या यशाचे कौतुक परमपूज्य डॉ. बाबासाहेब आंबेडकर स्मारक समितीचे अध्यक्ष भदंत आर्य नागार्जुन सुरेई ससाई, तसेच महाविद्यालयाच्या प्राचार्या डॉ. दीपा पान्हेकर, उपप्राचार्या हर्षा बोरकर, पर्यवेक्षक प्रा. कुणाल पाटील, कला आणि वाणिज्य विभाग प्रमुख प्रा. विकास सिडाम आणि सर्व प्राध्यापकवृंदांनी केले. Dr. Ambedkar College लकीने आपल्या यशाचे श्रेय प्रा. विकास सिडाम, प्रा. सतीश कर्पे आणि प्रा. जोईता रॉय यांना दिले असून, त्याच्यावर सर्व स्तरांतून कौतुकाचा वर्षाव होत आहे.