जैशची नवी रणनिती,दहशतवादात महिलांचा समावेश

Jaish-e-Mohammed सीमा पलीकडून भारताला अस्थिर करण्याचे प्रयत्न सातत्याने सुरूच आहेत. एप्रिल महिन्यात काश्मीरमधील पहलगाम येथे झालेल्या दहशतवादी हल्ल्यानंतर भारताने ऑपरेशन सिंदूर राबवून पाकिस्तानमधील दहशतवादी केंद्रांवर ठोस कारवाई केली. मात्र, दहशतवादी संघटना पुन्हा नव्या युक्त्या आखत भारताला अशांत करण्याचा कट रचत आहेत. जैश-ए-मोहम्मदने (JeM) आता आपल्या ब्रिगेडमध्ये महिलांचा समावेश करण्याचा निर्णय घेतल्याची माहिती समोर आली आहे.

 

 

 

बुधवार, ८ Jaish-e-Mohammed  ऑक्टोबरला जैशने दहशतवादी मसूद अझहरच्या नावाने एक पत्र जारी करून आपली महिला शाखा 'जमात-अल-मोमिनत' स्थापन झाल्याची घोषणा केली. या शाखेच्या प्रमुखपदावर मसूद अझहरची बहीण सादिया अझहर नियुक्त करण्यात आली आहे. ऑपरेशन सिंदूरदरम्यान जैशच्या मुख्यालयावर झालेल्या हल्ल्यात तिचा पती यूसुफ अझहर याला ठार करण्यात आले होते, असे समजते.

 

 

 

अलीकडील माहितीप्रमाणे, जैशने पाकिस्तानमधील बहावलपूर, कराची, मुझफ्फराबाद, कोटली, हरिपूर आणि मानसेहरा येथील आपल्या मरकझमध्ये शिकणाऱ्या गरीब महिलांना आणि त्यांच्या दहशतवादी कमांडरांच्या पत्नींना या महिला शाखेत भरती करण्याचे काम सुरू ठेवले आहे. या गटाच्या स्थापनेमागील उद्दिष्ट महिलांचा ब्रेनवॉश करुन त्यांना संघटनेच्या तळागाळात आणणे आणि दहशतवादी कारवायांमध्ये सक्रिय सहभाग देणे आहे.जैशच्या प्रचार शाखा अल-कलाम मीडिया द्वारे जारी करण्यात आलेल्या या पत्रात सांगण्यात आले आहे की, जमात-अल-मोमिनत महिला शाखा सायकॉलॉजिकल वॉरफेअरमध्ये कार्य करणार असून, महिलांना सामाजिक माध्यमे, व्हॉट्सॲप ग्रुप्स आणि मदरशांच्या नेटवर्कद्वारे दहशतवादी कारवायांसाठी प्रेरित करण्यात येईल. धर्माच्या नावाखाली महिलांना आकर्षित करून त्यांचा वापर करून घेण्याचा हा संघटनेचा धोरणात्मक निर्णय आहे.

 

 

 

गुप्तचर संस्थांनी दिलेल्या माहितीनुसार, जैशने महिलांना भावनिकदृष्ट्या जोडण्यासाठी आणि प्रभावित करण्यासाठी मक्का-मदीना या धार्मिक ठिकाणांचे फोटो आणि भावनिक संदेश सर्क्युलरमध्ये समाविष्ट केले आहेत. सुशिक्षित आणि शहरी मुस्लिम महिलांनाही निशाणा बनवण्यात आले आहे. या मोहिमेमध्ये महिलांच्या भावना जिव्हाळ्याने हाताळून त्यांना संघटनेच्या तळागाळाशी जोडण्याचा प्रयत्न होतो आहे.पूर्वी जैश-ए-मोहम्मद ही संघटना महिलांना थेट दहशतवादी कारवायांमध्ये सामील होण्यास विरोधी होती. मात्र, पहलगाम येथील दहशतवादी हल्ला आणि ऑपरेशन सिंदूरनंतर संघटनेने आपला दृष्टिकोन बदलून महिलांना देखील दहशतवादी कार्यात सहभागी करण्याचा निर्णय घेतला आहे. मसूद अझहर आणि त्याचा भाऊ तल्हा अल सैफ यांनी यासाठी पुढाकार घेतला असून, ही महिला शाखा आत्मघाती बॉम्बस्फोटांमध्ये महिलांचा वापर करण्याची शक्यता वर्तवली जात आहे.

 

 

 

जैशसारख्या Jaish-e-Mohammed दहशतवादी संघटनांनी महिला वापरण्याचा हा ट्रेंड जगभरातील इतर दहशतवादी संघटनांमधून प्रेरित असल्याचे सांगितले जाते. इस्लामिक स्टेट, बोको हराम, हमास यांसारख्या संघटनांनी महिलांना आत्मघाती बॉम्बर म्हणून वापरले आहे, मात्र जैश, लष्कर-ए-तैयबा आणि हिजबुल मुजाहिदीन यांनी यापूर्वी कधीही अशा पद्धतीचा वापर केला नव्हता. आता या संघटनेने आपले पाय पसरवत महिलांचा वापर वाढवण्याची योजना आखली आहे.

 

 

 

या पार्श्वभूमीवर केंद्र सरकार आणि सुरक्षा यंत्रणा सतर्क झाली आहेत. सीमावर आणि आतल्या भागात दहशतवाद्यांच्या हालचालींवर कडक नजर ठेवण्यात येत आहे. कोणत्याही दहशतवादी कारवायांना उधाण देऊ नये, यासाठी सहकार्याची आणि जनजागृतीची गरज अधिक वाढली आहे.जैशच्या या नवीन धोरणामुळे भारताच्या सुरक्षेला नवीन आव्हाने उभी राहिली असून, महिला दहशतवाद्यांचा वापर होणे ही एक गंभीर बाब ठरू शकते. त्यामुळे या घटनेवर काळजीपूर्वक लक्ष ठेवणे आणि लवकरात लवकर प्रतिबंधात्मक उपाय योजणे गरजेचे आहे.