सत्याचा मोर्चा म्हणजे ‘हास्य जत्रा’

Amol Mitkari निवडणुकीच्या पार्श्वभूमीवर महाविकास आघाडी आणि मनसेच्या संयुक्त “सत्याचा मोर्चा” मुंबईत आज निघाला. या मोर्चावर राज्यभरातून मोठ्या संख्येने लोक उपस्थित होते, मात्र या मोर्चावर विरोधकांच्या विरोधातही जोरदार टीका समोर आली. राष्ट्रवादी काँग्रेसचे आमदार अमोल मिटकरी यांनी मोर्चाला ‘हौशा-गौश्या-नवशांची यात्रा’ आणि महाराष्ट्रासाठी ‘हास्य जत्रा’ असल्याचा चिमटा काढला.

 

 

 

मिटकरी यांनी सांगितले की, “महायुती भक्कमपणे काम करत असल्याने महाविकास आघाडी आणि मनसे असे मोर्चे काढत आहेत. भविष्यातील पराभव पाहता हा मोर्चा महायुतीवर काहीही परिणाम करणार नाही, परंतु महाराष्ट्राला आज मनोरंजन देणारा नक्कीच आहे.”

 

 

अमोल मिटकरी Amol Mitkari यांनी अजित पवारांच्या कर्जमाफीविषयीच्या वक्तव्यांवरून सुरू झालेल्या टीकेवरही निशाणा साधला. “अजितदादा बारामतीमध्ये आपल्या शेतकऱ्यांशी बोलतात तसेच त्या सभेत बोलले. काही अक्कल नसलेले लोक ‘ट्वीट’ करीत आपल्या बुद्धीचं प्रदर्शन करतात,” असे ते म्हणाले. त्यांनी विजय वडेट्टीवार आणि रोहित पवार यांच्यावर टीका करत सांगितले की, “एकदा आपल्या मेंदूची तपासणी करावी. मुंबईतील रुग्णालयात जाऊन आपला मेंदू तपासावा.”मिटकरी यांनी चंद्रकांत पाटील यांच्यावरही टिप्पणी केली. “राष्ट्रवादी ही शरद पवारांची आहे असं म्हणणाऱ्या चंद्रकांत दादांची स्लीप ऑफ टंग झाली असावी. वाढत्या वयामुळे अशा वक्तव्यांची शक्यता आहे. विधानसभा निवडणुकीत जनतेने खरी शिवसेना आणि राष्ट्रवादी कोणाची हे ठरवले आहे, हे दादांनी लक्षात ठेवावे,” असे त्यांनी सांगितले.अमोल मिटकरी यांच्या मते, सत्याच्या मोर्च्याचा मुख्य हेतू महाराष्ट्राला मनोरंजन देणे आणि हौशा-गौश्या-नवशांची हास्य जत्रा आयोजित करणे आहे. “महायुतीवर या मोर्च्याचा काहीही परिणाम होणार नाही, पण लोकांमध्ये चर्चा आणि उत्साह निर्माण झाला आहे,” असेही त्यांनी ठळकपणे नमूद केले.मुंबईतील आजचा सत्याचा मोर्चा राजकीय उत्साहाचं ठिकाण ठरला, परंतु विरोधकांच्या या टीकेमुळे तो मोर्चा पत्रकारांच्या आणि जनतेच्या चर्चेचा विषय बनला आहे.