गोविंदाला अचानक स्मृतिभ्रंश झाल्याने चाहत्यांमध्ये चिंता!

Govinda got admitted बॉलीवूडचा लोकप्रिय अभिनेता गोविंदा पुन्हा एकदा चर्चेत आला आहे, पण यावेळी कारण चिंताजनक आहे. मंगळवारी मध्यरात्री अचानक तब्येत बिघडल्याने त्यांना रुग्णालयात दाखल करण्यात आले. त्यांचा जवळचा मित्र आणि वकील ललित बिंदल यांनी सांगितले की गोविंदाला “स्मृतिभ्रंश होण्याचा झटका” आला होता. या झटक्यानंतर ते काही काळ स्मृतिभ्रंशाने ग्रस्त झाले होते, म्हणजेच त्यांना स्वतःबद्दल, ठिकाणाबद्दल आणि आजूबाजूच्या गोष्टींबद्दल काहीही आठवत नव्हते.

ललित बिंदल यांनी सांगितले, काल संध्याकाळी घरी असताना गोविंदाला अचानक गोंधळायला लागले. काही क्षणांतच त्यांनी शुद्ध गमावली आणि कोसळले. आम्ही तातडीने डॉक्टरांना संपर्क केला आणि औषधोपचार सुरू केले. मात्र रात्री पुन्हा त्यांची प्रकृती बिघडली आणि त्यामुळे पहाटे सुमारे एक वाजता त्यांना रुग्णालयात दाखल करावे लागले. सध्या गोविंदा डॉक्टरांच्या देखरेखीखाली आहेत. आवश्यक सर्व वैद्यकीय तपासण्या करण्यात आल्या असून, काही अहवालांची प्रतीक्षा सुरू आहे. डॉक्टरांनी नियमित निरीक्षण ठेवले असून पुढील उपचारांचा निर्णय त्यांच्याच सल्ल्यानुसार घेतला जाणार आहे. ही घटना घडली तेव्हा गोविंदाचे कुटुंबीय घरी नव्हते. त्यांची पत्नी सुनीता एका लग्न समारंभासाठी बाहेरगावी गेली होती, तर इतर कुटुंबीय देखील अनुपस्थित होते.