नागपूर विद्यापीठाची चमू राष्ट्रीय सहासी शिबिरासाठी रवाना

national-bravery-camp : राष्ट्रसंत तुकडोजी महाराज नागपूर विद्यापीठाची राष्ट्रीय सेवा योजना (एनएसएस) चमू हिमाचल प्रदेशातील अटल बिहारी वाजपेयी माउंटेनियरिंग इन्स्टिट्यूट, पिरडी, कुल्लू येथे होणाऱ्या राष्ट्रीय सहासी शिबिरात सहभागी होणार आहे. हे शिबिर १५ नोव्हेंबर ते २४ नोव्हेंबर २०२५ दरम्यान पार पडणार असून या चमूचे प्रतिनिधित्व महाराष्ट्र राज्यातून होणार आहे.

 

 

 

 

 

 

भारत सरकारच्या युवा कार्य व क्रीडा मंत्रालयाच्या राष्ट्रीय सेवा योजना क्षेत्रीय निदेशालय, पुणे यांच्या निर्देशानुसार आयोजित या शिबिरात नागपूर विद्यापीठातील ५ विद्यार्थी, ५ विद्यार्थिनी आणि एक कार्यक्रम अधिकारी सहभागी होणार आहेत. या चमूत विद्यापीठाच्या विविध महाविद्यालयांतील राष्ट्रीय सेवा योजनेचे विद्यार्थी हर्षल रोकडे, शितल लिल्हारे, शिवांश, आदेश मरापे, निशिकेत अरखराव, नमिता पुडके, नैनिका भट्टाचारजी, वैष्णवी जोंधळे, वंशिका नंदागवळी, ताहुरा फिरदोस आणि काजल क्षीरसागर यांचा समावेश आहे.

 

विमेन्स कॉलेज ऑफ आर्ट्स अँड कॉमर्स, न्यू नंदनवन, नागपूर येथील एनएसएस कार्यक्रम अधिकारी व विभागीय समन्वयक डॉ. संजय सिंगनजुडे हे संघ व्यवस्थापक म्हणून महाराष्ट्राचे प्रतिनिधित्व करतील. तसेच या शिबिरात संत गाडगेबाबा अमरावती विद्यापीठ, गोंडवाना विद्यापीठ (गडचिरोली) आणि स्वामी रामानंद तीर्थ मराठवाडा विद्यापीठ (नांदेड) येथील विद्यार्थीही सहभागी होणार आहेत. राष्ट्रीय सेवा योजना संचालक डॉ. सोपानदेव पिसे यांनी निवड झालेल्या सर्व विद्यार्थ्यांना मार्गदर्शन करून शुभेच्छा दिल्या. या वेळी डॉ. राकेश कबे, डॉ. भूषण महाजन, प्रकाश शुक्ला, प्रवीण साखरे आणि स्वप्निल खरे यांनीही विद्यार्थ्यांना प्रोत्साहनपर मार्गदर्शन केले. प्रभारी कुलगुरू डॉ. माधवी खोडे चवरे आणि कुलसचिव डॉ. राजू हिवसे यांनीही सर्व सहभागी विद्यार्थ्यांना शुभेच्छा दिल्या आहेत. महाराष्ट्राची ही चमू गुरुवार, १३ नोव्हेंबर रोजी नागपूर रेल्वे स्थानकावरून कुल्लूकडे रवाना होणार आहे.