लखनौमध्ये 'व्हाईट-कॉलर' दहशतवाद?

White-collar terrorism उत्तर प्रदेशच्या लखनौ शहरात उघडकीस आलेल्या व्हाईट कॉलर दहशतवादी नेटवर्कच्या तपासात धक्कादायक माहिती समोर आली आहे. या प्रकरणातील मुख्य आरोपी डॉक्टर भावंड – डॉ. शाहीन शाहिद आणि डॉ. परवेझ – हे कसे कट्टरपंथी बनले, याचे धागेदोरे पोलिसांना मिळाले आहेत. सूत्रांच्या माहितीनुसार, सुरुवातीला दोघेही जिहादचे चित्रण करणारे व्हिडिओ ऑनलाइन पाहत होते. हे व्हिडिओ पाहत असताना त्यांच्या विचारसरणीत हळूहळू बदल झाला आणि ते अतिरेकी विचारांच्या प्रभावाखाली आले. जसजसे त्यांचे या व्हिडिओंवरचे आकर्षण वाढत गेले, तसतसे त्यांनी स्वतःच कट्टरपंथी विचार स्वीकारले आणि शेवटी डॉ. मुझम्मिल नावाच्या व्यक्तीच्या संपर्कात आले. यानंतर दोघेही एका मोठ्या दहशतवादी मॉड्यूलचा भाग बनले, असा संशय पोलिसांनी व्यक्त केला आहे.