रवींद्र जडेजाची ऐतिहासिक कामगिरी!

Jadeja's historic performance कोलकाता येथील ईडन गार्डन्सवर सुरू असलेल्या भारत–दक्षिण आफ्रिका कसोटी सामन्यात टीम इंडियाचा स्टार ऑलराउंडर रवींद्र जडेजाने एक मोठी ऐतिहासिक कामगिरी आपल्या नावावर केली. दुसऱ्या दिवसाच्या खेळात आपला दहावा धाव घेताच जडेजाने कसोटी कारकिर्दीत 4000 धावांचा टप्पा पार केला.

 

 

यासह तो टेस्ट क्रिकेटच्या त्या एलिट क्लबमध्ये दाखल झाला आहे, ज्यात यापूर्वी फक्त इयान बॉथम, कपिल देव आणि डॅनियल विटोरी यांचीच नावे होती. 4000 पेक्षा अधिक धावा आणि 300 पेक्षा जास्त विकेट्स अशी दुहेरी कामगिरी करणारा तो जगातील चौथा खेळाडू ठरला. सध्या जडेजाच्या नावावर 4002 धावा आणि 338 विकेट्स आहेत. याशिवाय घरच्या मैदानावर 250 टेस्ट विकेट्स पूर्ण करण्याचीही त्याच्याकडे संधी आहे. अशी कामगिरी करणारा तो अश्विन, कुंबळे आणि हरभजन सिंग यांच्या यादीत लवकरच सामील होऊ शकतो.