embryos-found-in-womans-womb मिसरमध्ये नुकताच घडलेला एक प्रसंग संपूर्ण वैद्यकीय जगताला थक्क करून गेला आहे. एका महिलेच्या नियमित आरोग्य तपासणीत असे काही उघड झाले, की डॉक्टरही स्तब्ध झाले. ती महिला फक्त रूटीन चेकअपसाठी रुग्णालयात गेली होती. परंतु अल्ट्रासाउंड मशीनसमोर उभ्या असलेल्या डॉक्टरांसमोर असा दृश्य उभा ठाकला, ज्यावर क्षणभर तरी कोणाचाही विश्वास बसला नसता.
महिलेच्या गर्भाशयात एक-दोन नव्हे, तर एकाचवेळी नऊ भ्रूण वाढत असल्याचे समोर आले. मानवी शरीरात इतक्या मोठ्या संख्येने भ्रूण विकसित होणे अत्यंत दुर्मिळ मानले जाते. embryos-found-in-womans-womb त्यामुळे हा प्रकार समजताच डॉक्टरांना आणि महिलेला तर धक्का बसलाच; पण तिच्या कुटुंबीयांनाही ते वास्तव स्वीकारायला कठीण गेले. रुग्णाची तपासणी करणारे स्त्रीरोगतज्ज्ञ डॉ. वाइल अल-बन्नो यांनी हा प्रसंग आपल्या संपूर्ण करिअरमधील सर्वात असामान्य अनुभव असल्याचे सांगितले. डॉक्टरांच्या म्हणण्यानुसार, अशा स्थितीचे मोठे कारण म्हणजे विशिष्ट हार्मोनल औषधांचे अनियंत्रित सेवन. ही औषधे अंडाशयाला अत्याधिक उत्तेजित करतात आणि एका मासिक पाळीच्या चक्रात अनेक अंडे तयार होतात. कधी कधी १० ते २० अंड्यांपर्यंत ओव्ह्यूलेशन होऊ शकते, ज्यामुळे एकाच वेळी अनेक भ्रूण निर्माण होतात. वैद्यकीय भाषेत पाचपेक्षा अधिक भ्रूण असलेल्या स्थितीला "हाय-ऑर्डर मल्टिपल प्रेग्नंसी" म्हटले जाते.
अशा गर्भधारणेला आई आणि बाळ दोघांच्या आरोग्याच्या दृष्टीने गंभीर धोका असतो. embryos-found-in-womans-womb त्यामुळे आधुनिक वैद्यकीय तंत्रज्ञानाच्या मदतीने भ्रूणांची संख्या कमी करून उर्वरित भ्रूणांचा विकास सुरक्षित ठेवण्याचा पर्याय डॉक्टरांकडे असतो. या प्रक्रियेला ‘सेलेक्टिव फीटस रिडक्शन’ असे म्हटले जाते. या घटनेनंतर मिसरमधील वैद्यकीय समुदायात मोठी चर्चा सुरु झाली आहे. नऊ भ्रूणांसह वाढत असलेली ही गर्भधारणा दुर्लभ असून, अशा प्रकरणांमधील प्रत्येक निर्णय आईच्या जीवितासाठी अत्यंत काळजीपूर्वक घेतला जात आहे.