अवैध उत्खनन करणार्‍या ४७ विना नंबर टिपर वाहनांवर जिल्हाधिकारी यांची कारवाई

unregistered tipper vehicles जिल्ह्यात अवैध गौणखनिज उत्खनन आणि वाहतुकीला आळा घालण्यासाठी जिल्हा प्रशासनाव्दारे विशेष मोहिम राबविली जात असून या मोहिमेअंतर्गत दि. १६ नोव्हेंबर रोजी जिल्हाधिकारी डॉ. किरण पाटील यांच्या नेतृत्वातील पथकाने अवैध वाळू उत्खनन व वाहतूक करणार्‍या ४७ टिपर वाहनांवर दंडात्मक कारवाई करत १० लाखांहून अधिक दंडाची वसुली करण्यात आली. तसेच देऊळगांव राजा तालुयातील सिंनगाव जहाँगीर व खल्याळ गव्हाण परिसरात जिल्हाधिकारी विशेष पथकाव्दारे अवैध वाळू उत्खननाच्या ठिकाणी धाड टाकून संबधितांविरुध्द गुन्हे दाखल केले आहेत.

 

 

यापूर्वी १४ अ‍ॅागस्ट व रोजी देखील जिल्हाधिकारी डॅा. किरण पाटील यांनी अचानक अनेक ठिकाणी भेट देवून एकाच दिवशी ३० अवैध गौणखनिज वाहतूक करणार्‍या विनानंबर टिपरविरुद्ध ६.५० लाखांची दंडात्मक कारवाई केली होती. याचपद्धतीची १९ मे रोजी देखील कारवाई त्यांनी केली होती. नियमितपणे राबविण्यात येणार्‍या या मोहिमेंतर्गत आतापर्यंत ८९७ प्रकरणांमध्ये कारवाई करण्यात आली असून संबधित ११० वाहन चालकांविरुध्द गुन्हे दाखल करण्यात आले आहेत.

जिल्हाधिकारी डॉ. unregistered tipper vehicles किरण पाटील यांच्या मार्गदर्शनाखाली महसूल, परिवहन, पोलीस व अन्य विभागाच्या संयुक्त कारवाईव्दारे जिल्ह्यात १ एप्रिल ते १७ नोव्हेंबर २०२५ या कालावधीत अवैध गौणखनिज उत्खनन आणि वाहतुकीसंदर्भात ८९७ प्रकरणांमध्ये कारवाई करण्यात आली आहे. यापैकी ४१४ प्रकरणे अवैध उत्खनन, वाहतुक संबंधित आहेत. ४८३ विना नंबर वाहनांनवर कारवाई केली, तर ११० प्रकरणांत गुन्हे दाखल केले आहेत. या सर्व कार्यवाहीमधून जिल्हा प्रशासनाने एकूण ४ कोटी ८७ लाख रुपयाची दंडात्मक कारवाई केली आहे. अवैध गौणखनिज उत्खनन आणि वाहतुकीला आळा घालण्यासाठी जिल्हा महूसल, परिवहन, पोलीस व अन्य विभागाचे तालुकास्तरावर भरारी पथके कार्यरत आहेत. ही पथके गौण खनिजांची वाहतूक करणार्‍या वाहनांची नियमित तपासणी करत आहेत. रॉयल्टी पासेस किंवा वाहतूक पासेस नसलेल्या वाहनांवर शासन नियमांनुसार दंडात्मक कारवाई केली जात आहे. नागरिकांना परिसरात कुठेही अवैध गौण खनिज उत्खनन व वाहतूक होत असल्याचे आढळल्यास, त्यांनी संबंधित उपविभागीय अधिकारी, तहसीलदार किंवा पोलीस विभागास निदर्शनास आणून द्यावे, असे आवाहन जिल्हाधिकारी डॉ. किरण पाटील यांनी केले आहे