सौदी अरेबिया अपघातात एका कुटुंबातील १८ जणांचा मृत्यू; तीन पिढ्या एकाच वेळी संपल्या

अपघाताच्या वेळी सर्व प्रवासी गाढ झोपेत होते. या अपघातात एका कुटुंबातील १८ जणांचा मृत्यू झाला. शोएब नावाचा व्यक्ती अपघाताच्या वेळी वाचून बाहेर पळला, मात्र जखमी झाल्यामुळे सध्या त्यावर रुग्णालयात उपचार सुरू आहेत. सोमवारी पहाटे १:३० च्या सुमारास सौदी अरेबियात एका प्रवासी बसची डिझेल टँकरशी टक्कर झाल्याने किमान ४२  भारतीय उमराह यात्रेकरूंचा मृत्यू झाला. प्राथमिक अहवालात असे दिसून आले आहे की बहुतेक यात्रेकरू हैदराबादचे होते. असे वृत्त आहे की एकूण ५४ प्रवासी बसमध्ये चढणार होते, परंतु त्यापैकी काही चढले नाहीत. saudi-arabia-accident १५ दिवसांच्या या यात्रेदरम्यान, यात्रेकरू एक आठवडा मक्का आणि एक आठवडा मदिना येथे घालवतात. पण कोणाला माहित होते की आठवडाभर मक्का भेट दिल्यानंतर यात्रेकरूंना मदीना दिसणार नाही. बस मक्काहून मदीनाला जात होती. मक्कामध्ये त्यांचे पवित्र विधी पूर्ण करून हज यात्रेकरू मदीनाला परतत होते.