‘रशियन’च नाही तर ‘इंडियन’साठीही जग वेडे – अनेक देशांत वाढली भारतीयांची किंमत

russia-to-india-human-trafficking मानव तस्करी ही फक्त सेक्स रॅकेट चालवण्यासाठी किंवा भीक मागवून पैसे कमावण्यासाठी होत नाही. आधुनिक काळात या गुन्ह्याचे नवे आणि धक्कादायक पैलू समोर येत आहेत. अलीकडच्या काळात मानव तस्करीचा वापर अनेक देशांच्या कथित खासगी सैन्यांत लोकांना जबरदस्तीने सामील करून घेण्यासाठी केला जात आहे. कुठे पासपोर्ट फाडून मजुरी करवून घेतली जाते, तर कुठे त्यांच्यावर अमानवी अत्याचार होतात. पोलिसांनी अशाच एका टोळीचा पर्दाफाश केला आहे जी भारतीय तरुणांना परदेशात विकत असल्याचे समोर आले असून, महाराष्ट्रातील रत्नागिरी येथून एका आरोपीला अटक करण्यात आली आहे.

 

 

भारतामध्ये फसवणुकीचे जाळे वेगवेगळ्या स्वरूपात कार्यरत आहे. काही टोळ्या तर थायलंडपासून रशियापर्यंत भारतीय तरुणांना विकतात. ‘डिजिटल अरेस्ट’, ‘शेअर ट्रेडिंग’, ‘एस्कॉर्ट सर्व्हिस’ आणि ‘हनी ट्रॅप’ अशा विविध नावाखाली लोकांना सापळ्यात अडकवले जाते. उज्ज्वल भविष्याचे आमिष दाखवून त्यांना ‘कबूतरबाजी’ म्हणजेच बेकायदेशीर पद्धतीने परदेशात पाठवले जाते. कधी “डंकी रूट” तर कधी वैध व्हिसा आणि पासपोर्टच्या नावाखाली मोठी फसवणूक केली जाते. उत्तर भारतातील काही शहरांतील पोलिसांनी अलीकडेच काही आरोपींना अटक केली आणि चौकशीत थरकाप उडवणारे तपशील समोर आले. हे लोक बेरोजगार तरुणांना परदेशात नोकरी मिळवून देण्याचे आश्वासन देत. russia-to-india-human-trafficking त्यांच्या सापळ्यात सापडल्यानंतर त्या तरुणांना कंबोडिया आणि थायलंडमध्ये केवळ तीन ते चार लाख रुपयांत म्हणजेच ३५०० ते ४५०० डॉलरमध्ये विकले जात असे. त्यानंतर परदेशात बसलेल्या गुन्हेगारी टोळ्या या विकत घेतलेल्या तरुणांना सायबर फसवणुकीचे प्रशिक्षण देऊन स्वतःच्या जाळ्यात ओढत.

जशा भारतात रशियन तेलाची मागणी वाढली आहे, तशीच रशियामध्ये भारतीय तरुणांचीही मागणी प्रचंड वाढली आहे. russia-to-india-human-trafficking सेक्स रॅकेटच्या पलीकडे, युद्धग्रस्त रशियामध्ये भारतीय पुरुषांची मोठी मागणी असल्याचे उघड झाले आहे. २०२३ पासून सतत अशा बातम्या येत आहेत की कबूतरबाजी करणारे दलाल हरियाणा, गुजरात आणि इतर राज्यांतील तरुणांना मोठ्या पगाराचे आणि सुविधा मिळण्याचे आमिष दाखवून रशियात पाठवत आहेत. अहवालांनुसार, हरियाणा, पंजाब, राजस्थान आणि जम्मू-कश्मीरमधील १६ तरुणांच्या कुटुंबीयांनी केंद्र सरकारकडे मदत मागितली आहे. २०२४ मध्ये त्यांना वैध स्टडी व्हिसावर रशियात पाठवले गेले होते, मात्र नंतर त्यांच्या कुटुंबीयांनी आरोप केला की एजंटांनी फसवणूक करून त्यांना रशियन सैन्यात जबरदस्ती भरती करून घेतले.