संजू सॅमसनचा जर्सी क्रमांक ११!

Sanju Samson Jersey Number चेन्नई सुपर किंग्सने आयपीएल 2026 पूर्वी राजस्थान रॉयल्सचा कर्णधार संजू सॅमसन आपल्या संघात सामील करून मोठा ट्रेड डील केला आहे. या डीलमध्ये रवींद्र जडेजा आणि इंग्लंडचा सॅम करन राजस्थानकडे गेले, तर संजू सॅमसन चेन्नईच्या संघात दाखल झाला. संजूच्या चेन्नईत सामील होताच सीएसकेने एक व्हिडीओ शेअर केला, ज्यामध्ये तो चेन्नईची पिवळी जर्सी घालताना दिसला.

 

 

 

व्हिडीओमध्ये दिसते की संजू सॅमसन 11 क्रमांकाची जर्सी घालत आहे. त्यामुळे आयपीएल 2026 मध्ये संजू सॅमसन हीच जर्सी क्रमांक वापरणार आहे. संजूने राजस्थान रॉयल्ससाठीही हाच क्रमांक वापरला होता, तर भारतीय संघासाठी तो 9 क्रमांकाची जर्सी घालतो. मोहम्मद शमी भारतासाठी 11 क्रमांकाची जर्सी घालतो. गेल्या हंगामात ऋतुराज गायकवाड दुखापतीमुळे स्पर्धेतून बाहेर पडल्यावर धोनीने पुन्हा कर्णधारपदाची जबाबदारी स्वीकारली होती. मात्र, आगामी आयपीएल हंगामात चेन्नईचे नेतृत्व ऋतुराज गायकवाड करेल, तर संजू सॅमसन आणि धोनी दोघेही संघात राहतील. 31 वर्षीय संजू सॅमसनने आयपीएलमध्ये आतापर्यंत 177 सामने खेळले असून 139.1 च्या स्ट्राइक रेटने 4704 धावा केल्या आहेत. त्याच्या खेळात तीन शतके आणि 26 अर्धशतके यशस्वी ठरली आहेत.