ताम्हिणी घाटात थार दरीत कोसळून ६ जणांचा मृत्यू

 

 

दोन दिवसांपासून बेपत्ता असलेल्या तरुणांच्या शोधासाठी त्यांच्या शेवटच्या लोकेशनचा मागोवा घेतला असता तो ताम्हिणी घाट परिसरात आढळला. त्यानंतर ड्रोनच्या मदतीने सुरू केलेल्या शोधमोहिमेत दरीत कोसळलेली थार गाडी आणि मृतदेह आढळून आले. पोलिसांनी तात्काळ घटनास्थळी शोधकार्य सुरू केले असून दुर्घटनेच्या अचूक कारणांचा तपास सुरू आहे. दरीत कोसळलेल्या गाडीचा शोध लागेपर्यंत अपघाताची कोणालाच माहिती न मिळाल्याने परिसरात चिंतेचे वातावरण निर्माण झाले होते. आता प्राथमिक तपासात हे सर्व तरुण एकत्र प्रवासाला निघाल्याचे दिसत असून, नेमका अपघात कसा घडला याची चौकशी सुरू आहे.