मोठी बातमी...अजित पवारांच्या ताफ्यातील गाडीला अपघात

Ajit Pawar's convoy meets accident उपमुख्यमंत्री अजित पवार यांच्या ताफ्यातील वाहनाचा बीड जिल्ह्यात धुनकवाड फाट्याजवळ अपघात झाला असून, यात चार जण गंभीर जखमी झाले आहेत. अपघाताचा प्रसंग तेलगाव-धारूर रस्त्यावर समोर आला. प्राथमिक माहितीनुसार, अजित पवारांचा ताफा तेलगावहून केजकडे जात असताना त्यांच्या ताफ्यातील MH 02 GH 5732 या वाहनाने एका दुचाकीला धडक दिली. या दुचाकीवर भोगलवाडी येथील विष्णू दामोदर सुदे, त्यांची पत्नी कुसुम सुदे आणि दोन लहान मुली प्रवास करत होते, जे सर्व गंभीर जखमी झाले आहेत.

 

 

 

अपघात इतका तीव्र होता की दुचाकी पूर्णपणे चुरडली गेली, तर ताफ्यातील वाहनालाही मोठे नुकसान झाले. जखमींना सुरुवातीला धारूर ग्रामीण रुग्णालयात प्राथमिक उपचारांसाठी नेण्यात आले, परंतु गंभीर स्थितीमुळे त्यांना पुढील उपचारासाठी अंबाजोगाई येथील शासकीय रुग्णालयात दाखल करण्यात आले. अपघातात अजित पवारांचा सुरक्षा रक्षकही जखमी झाला असून त्यावर उपचार सुरू आहेत.

 

 

घटनेनंतर रस्त्यावर मोठी वाहतूक कोंडी निर्माण झाली होती. पोलीस तात्काळ घटनास्थळी पोहोचून वाहतूक सुरळीत केली आणि ताफ्यातील वाहन चालकाविरोधात गुन्हा दाखल करण्याची प्रक्रिया सुरू केली आहे. अपघाताचे नेमके कारण अद्याप स्पष्ट झालेले नाही, परंतु प्राथमिक तपासानुसार चालकाच्या निष्काळजीपणामुळे हा अपघात झाल्याचे दिसते. या घटनेमुळे परिसरात मोठी खळबळ उडाली असून स्थानिकांनी जखमी कुटुंबाला न्याय मिळावा अशी मागणी केली आहे.