१०४ वर्षांचा इतिहास उध्वस्त! इंग्लंडवर दोन दिवसांत विजय; 'हा' खेळाडू बनला हिरो

Australia vs England : अ‍ॅशेस मालिकेतील पहिल्या कसोटीत ऑस्ट्रेलियाने इंग्लंडचा ८ विकेट्सने पराभव केला. मिशेल स्टार्कने ऑस्ट्रेलियाकडून शानदार गोलंदाजी करत १० विकेट्स घेतल्या. ट्रॅव्हिस हेडने शानदार शतक झळकावले आणि विजयात महत्त्वाची भूमिका बजावली. सामन्याच्या फक्त दोन दिवसांत इंग्लंडचा पराभव झाला. १०४ वर्षांत पहिल्यांदाच अ‍ॅशेस कसोटी सामना दोन दिवसांत संपला. इंग्लंड आणि ऑस्ट्रेलिया यांच्यातील मागील अ‍ॅशेस कसोटी सामना १९२१ मध्ये दोन दिवसांत संपला होता.

 

 

 

 

ऑस्ट्रेलियाला पहिली कसोटी जिंकण्यासाठी २०५ धावांचे लक्ष्य ठेवण्यात आले होते, जे ऑस्ट्रेलियाने ट्रॅव्हिस हेडच्या मदतीने सहज गाठले. हेडने ८३ चेंडूत १२३ धावा केल्या, ज्यात १६ चौकार आणि चार षटकारांचा समावेश होता. मार्नस लाबुशेननेही ५१ धावा केल्या आणि जेक वेदरल्डने २३ धावा केल्या. ऑस्ट्रेलियाच्या विजयात या खेळाडूंचा मोलाचा वाटा होता. दुसऱ्या डावात इंग्लंडचे गोलंदाज चांगली कामगिरी करू शकले नाहीत.

इंग्लंडने पहिल्या डावात १७२ धावा केल्या. हॅरी ब्रुकने ५२ धावा केल्या, पण उर्वरित फलंदाज अपयशी ठरले. मिचेल स्टार्कने पहिल्या डावात सात बळी घेत घातक गोलंदाजी केली. त्यानंतर, ऑस्ट्रेलियाचे फलंदाज पहिल्या डावात फक्त १३२ धावाच करू शकले. इंग्लंडकडून बेन स्टोक्सने सर्वाधिक पाच बळी घेतले, तर ब्रायडन कार्सने तीन बळी घेतले. या गोलंदाजांनी ऑस्ट्रेलियन फलंदाजांना मोठ्या धावा करण्यापासून रोखले. पहिल्या डावाच्या आधारे, इंग्लंडला ४० धावांची महत्त्वाची आघाडी मिळाली.

दुसऱ्या डावात इंग्लंडचे फलंदाज चांगली कामगिरी करतील असे वाटत होते, परंतु निकाल विनाशकारी ठरला. दुसऱ्या डावात इंग्लंडला फक्त १६४ धावाच करता आल्या आणि त्यांच्या आघाडीत ४० धावा जोडल्यानंतर, ऑस्ट्रेलियाला विजयासाठी २०५ धावांचे लक्ष्य देण्यात आले, जे ऑस्ट्रेलियाने ट्रॅव्हिस हेडच्या बळावर साध्य केले.