लज्जास्पद...विद्यार्थिनींच्या पाण्याच्या बाटल्यांमध्ये केली लघवी

Urinated in students' water bottles उत्तर प्रदेशातील बदायूंमधील चमेली देवी उच्च माध्यमिक शाळेत एका अत्यंत लज्जास्पद घटनेची माहिती समोर आली आहे. शाळेतील काही विद्यार्थ्यांनी विद्यार्थिनींच्या पाण्याच्या बाटल्यांमध्ये लघवी मिसळल्याचा प्रकार उघड झाला आहे. या घटनेनंतर पोलिसांनी विद्यार्थ्यांच्या कुटुंबातील चार सदस्यांना अटक केली आहे, कारण आरोपी विद्यार्थी अल्पवयीन आहेत.

 

 

घटनेची प्राथमिक तक्रार करणी सेनेचे शहराध्यक्ष शिवसेवक गुप्ता यांनी पोलिसांकडे नोंदवली होती. यापूर्वी पोलिसांनी तीन अज्ञात विद्यार्थ्यांविरुद्ध गुन्हा दाखल केला होता. विद्यार्थिनींनी सांगितले की, पाण्याच्या बाटल्यांमध्ये लघवी मिसळण्यात आली आणि शाळेच्या बाथरूमच्या भिंतींवर अश्लील संदेश लिहिले गेले होते. त्यांनी शाळा व्यवस्थापनाकडे तक्रार केली, परंतु व्यवस्थापनाने दुर्लक्ष केले. त्यानंतर विद्यार्थ्यांच्या कुटुंबियांनी शाळा व्यवस्थापनाशी संपर्क साधला. मात्र, शाळेने फक्त मुलांना समजावून सांगण्याचा आश्वासन दिले. यावरून करणी सेना आणि विश्व हिंदू परिषदेच्या कार्यकर्त्यांना माहिती देण्यात आली, ज्यामुळे शाळेत गोंधळ निर्माण झाला.

शाळेच्या व्यवस्थापक विनोद कुमार यांनीही करणी सेनेच्या शहराध्यक्ष शिवसेवक गुप्ता यांच्यावर आरोप केले आहेत. त्यांनी सांगितले की, गुप्ता आणि त्यांच्या समर्थकांनी सुमारे १५० लोकांसह शाळेत प्रवेश केला, कर्मचाऱ्यांशी गैरवर्तन केले आणि काही विद्यार्थ्यांना मारहाण केली. त्यांनी जबरदस्तीने बेल वाजवली आणि शाळा सोडली. बदायूं येथील जिल्हा दंडाधिकारी लालजी यादव यांनी घटनेची दखल घेतली असून तीन सदस्यांची चौकशी समिती नेमण्यात आली आहे. या समितीत जीआयसीचे प्राचार्य गुलनवाज आलम, जीआयसी प्राचार्या अल्पना कुमार आणि खुनक येथील सरकारी हायस्कूलच्या प्राचार्य नूतन यांचा समावेश आहे. समितीच्या अहवालाच्या आधारे पुढील कारवाई केली जाईल. या घटनेमुळे शाळेत आणि परिसरात चिंता निर्माण झाली असून प्रशासन आणि पोलिसांनी परिस्थितीवर लक्ष ठेवले आहे.