रात्री दुधात झोपेच्या गोळ्या टाकत ठेवले शरीर संबंध आणि...

Gorakhpur rape case उत्तर प्रदेशातील गोरखपूर जिल्ह्यातून मानवी विवेक हादरवणारी घटना समोर आली आहे. एका नवविवाहित महिलेला तिच्या सासरीच अमानुष अत्याचारांना सामोरे जावे लागले असून, तिच्या दिराने तर सर्व मर्यादा ओलांडल्याचे धक्कादायक तपशील समोर आले आहेत. या प्रकरणामुळे संपूर्ण परिसरात खळबळ उडाली आहे. मिळालेल्या माहितीनुसार, पीडितेचे लग्न वर्ष २०२२ मध्ये झाले होते. सुरुवातीच्या काही महिन्यांपर्यंत सर्व काही सुरळीत होते, पण हळूहळू तिच्या सासरच्या मंडळींचे वागणे बदलू लागले.

 

 

पीडितेच्या म्हणण्यानुसार, तिचा नवरा दारूच्या आहारी गेला होता आणि तो अनेकदा मद्यधुंद अवस्थेत घराबाहेर किंवा इतर ठिकाणी झोपून जात असे. या परिस्थितीचा फायदा घेत तिच्या सासू-सासऱ्यांनी हुंड्यासाठी तिचा छळ सुरू केला. कमी हुंडा आणल्याच्या कारणावरून तिला सतत शिवीगाळ, टोमणे आणि मानसिक त्रास दिला जात होता. या सर्व अत्याचारांनंतरही ती स्त्री घर सोडायला तयार नव्हती, पण तिच्यावरचा दबाव वाढत गेला. दरम्यान, जेव्हा तिचा पती काही दिवसांसाठी बाहेर गेला होता, तेव्हा तिच्या दिरानेने नीचतेचा कळस गाठला. पीडितेच्या मते, त्याने तिला दिलेल्या दुधात झोपेच्या गोळ्या मिसळल्या आणि बेशुद्ध झाल्यानंतर तिच्यावर बलात्कार केला. ही घृणास्पद कृती एकदाच नव्हे, तर अनेक रात्री सुरू राहिली.

महिलेचा आरोप आहे की या अमानुष कृत्यात तिच्या सासू-सासऱ्यांनीही मौन सहमती दर्शवली. तिने अनेकदा पतीला या गोष्टींबद्दल सांगितले, मात्र त्याने उलट तिलाच मारहाण करून धमकावले. ही घटना गोरखपूरच्या गुलरिहा पोलीस ठाण्याच्या हद्दीत घडली आहे. पीडितेने अखेर धैर्य दाखवत पोलिसांकडे तक्रार दाखल केली. प्रकरणाचे गांभीर्य लक्षात घेऊन गोरखनाथ सर्कलचे सीओ यांनी तत्काळ चौकशीचे आदेश दिले आहेत. पोलिसांनी गुन्हा नोंदवून संपूर्ण प्रकरणाचा तपास सुरू केला असून आरोपींवर कडक कारवाई केली जाईल, असे पोलिस सूत्रांनी सांगितले आहे.